11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Իսպանիայի վարչապետը որոշել է ցրել խորհրդարանն ու արտահերթ ընտրություններ անցկացնել
Քաղաքականություն
15.02.2019 | 18:22
Իսպանիայի վարչապետ Պեդրո Սանչեսը փետրվարի 15-ին հայտարարել է խորհրդարանը ցրելու և արտահերթ ընտրություններ անցկացնելու մասին: Այս որոշումն ընդունվել է, քանի որ խորհրդարանի ստորին պալատը չի սատարել Կառավարության առաջարկած ընթացիկ տարվա բյուջեի նախագիծը: Այս մասին գրում է «Իզվեստիան»՝ վկայակոչելով El Pais-ը:
«Ոչինչ չանելու և առանց բյուջեի շարունակելու և իսպանացիներին խոսքի հնարավորություն տալու միջև ես ընտրում եմ երկրորդը: Ես առաջարկել են արձակել խորհրդարանն ու ապրիլի 28-ին արտահերթ ընտրություններ անցկացնել»,- Նախարարների խորհրդի նիստից հետո ասել է Սանչեսը:
Վարչապետն ափսոսանք է հայտնել, որ առաջարկված բյուջեի նախագիծը չի ընդունվել՝ ընդդիմադիր Ժողովրդական կուսակցությանը մեղադրելով նախարարների կաբինետի հանդեպ լոյալության բացակայության մեջ: Նրա բնորոշմամբ՝ այդ նախագիծը «բարենպաստ» էր իսպանացիների և երկրի բոլոր շրջանների համար:
The Guardian-ի փոխանցմամբ՝ բյուջեին կողմ է քվեարկել 158 պատգամավոր, դեմ՝ 191-ը, 1 պատգամավոր՝ ձեռնպահ:
