13.03.2026 | 13:56
3 ուժ ԿԸՀ-ում օգտահաշիվ է բացել ընտրություններին մասնակցության հայտ ներկայացնելու համար
Եվրոպայի պատանեկան օլիմպիական ձմեռային փառատոնից հայ մարզիկները վերադարձել են համեստ արդյունքներով
15.02.2019 | 17:27
ՀԱՕԿ լրատվական բաժնից տեղեկացնում են, որ Բոսնիա Հերցեգովինայի Սարաևո քաղաքում անցկացվեց Եվրոպայի պատանեկան օլիմպիական ձմեռային հերթական` 14-րդ փառատոնը:
Մեր երկրի ներկայացուցիչներից առաջինը ասպարեզ ելան դահուկավազորդները: Տղաների 10 կմ դասական ոճում Աղասի Սաքանյանը 88 մասնակիցների պայքարում 86-րդն էր, իսկ 7,5 կմ ազատ ոճում 87-րդն էր ` 92 մասնակիցների մրցավեճում: Աննա Ռաշոյանը նշած ոճերում ճանաչվեց համապատասխանաբար 69-րդը / 78 մասնակից / և 71-րդը / 82 մասնակից /:
Արագավազքում Աղասի Սաքանյանը գրավեց 86-րդ / 90-ի պայքարում / ,իսկ Աննա Ռաշոյանը 67-րդ / 78 մասնակից/ տեղը:
Լեռնադահուկային սպորտի երկու մրցաձում Մայիս Եղիազարյանը ձախողվեց: Նրա թիմակից ժիրայր Առաքելյանը ոլորովայրէջքում չավարտեց տարածությունը ,իսկ հսկա ոլորվայրէջքում, 103 մասնակիցների պայքարում, զբաղեցրեց 77-րդ հորիզոնականը:
Մենասահորդուհի Մարինա Ասոյանը գեղասահքի ազատ և կամավոր ծրագրերի ընդհանուր գումարով, 29 մասնակիցների մեջ, հանգրվանեց 27-րդ տեղում:
