02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Կառուցվող ոչ մի շենք չի լինելու առանց ստորգետնյա կայանատեղիի. քաղաքապետ ՏԵՍԱՆՅՈՒԹ
Հասարակություն
15.02.2019 | 15:48
«Հոլիդեյ Ինն» էքսպրես հյուրանոցի բացման արարողության ավարտից հետո, լրագրողների հետ զրույցում քաղաքապետ Հայկ Մարությանն անդրադարձավ մետրոյի կառուցման հարցին։
Մարությանը նշեց, որ մինչ շինարարությունը բավական մեծ աշխատանք կա անելու, այժմ դեռ կոնցեպտի վրա են աշխատում։ Ուսումնասիրել են մետրոյի կառուցման գնային քաղաքականությունը և եկել այն եզրահանգման, որ կառուցման մեջ պետք է նաև մասնավոր ներդրումներ ներգրավել։
«Հնարավոր է, որ կայարանը միքսվի որևէ առևտրի կենտրոնի հետ»,- նշեց Հայկ Մարությանը։
«Հոլիդեյ Ինն» էքսպրես հյուրանոցին անդրադառնալով, Մարությանը խոսեց նաև 200 տեղանոց հյուրանոցի՝ 10 մեքենայի համար նախատեսված կայանատեղի ունենալու մասին։
«Հյուրանոցը նաև ստորգետնյա կայանատեղի չունի։ Ես սեփականատիրոջ հետ զրուցելիս ասել եմ, որ եթե մեր օրոք ստանային շինթույլտվությունը, այսպես չէր լինի։ Կառուցվող ոչ մի շենք չի լինելու առանց ստորգետնյա կայանատեղիի։ Սա պարտադիր պայման է»,- ընդգծեց քաղաքապետը։
Նելլի Մելքոնյան
