11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Պետական համակարգում աշխատողների աշխատավարձերը կբարձրանան. վարչապետի աշխատակազմի ղեկավար. ՏԵՍԱՆՅՈՒԹ
Հասարակություն
15.02.2019 | 15:27
Կառավարության աշխատանքների օպտիմալացումն առաջին հերթին նպատակ է հետապնդում բարձրացնել կառավարման արդյունավետությունը, որի հետևանքով կլինեն որոշակի կրճատումներ: Այս մասին կառավարության նիստից հետո լրագրողների հետ ճեպազրույցում ասաց ՀՀ վարչապետի աշխատակազմի ղեկավար Էդուարդ Աղաջանյանը՝ անդրադառնալով կառավարության կառուցվածքի փոփոխությանն ու դրա հետևանքով սպասվող կրճատումներին:
Աղաջանյանի փոխանցմամբ՝ փոխվարչապետ Մհեր Գրիգորյանի գրասենյակն այժմ զբաղված է բոլոր նախարարությունների ֆունկցիոնալ ուսումնասիրությամբ:
«Եվ այս գործընթացի արդյունքում է, որ մենք կհասկանանք, թե քանի հոգի կկրճատվի և քանի հոգի մի տեղից այլ տեղ կտեղափոխվի: Սրանով արձանագրում ենք, որ կարևորագույն բանն այս պահին դա ֆունկցիոնալ կրկնությունը բացառելն է, ինչի արդյունքում պետական կառավարման համակարգը շատ ավելի արդյունավետ կաշխատի»,- ասաց Աղաջանյանը:
Վարչապետի աշխատակազմի ղեկավարը վստահեցրեց, որ օպտիմալացման արդյունքում իրենց աշխատանքը կորցրած աշխատակիցների հետ կառավարությունը կապ կպահպանի, կգույքագրեն նրանց տվյալները:
«Վարչապետի կողմից սոցապ նախարարին հանձնարարական է տրվել, որպեսզի մանրամասն տեղեկատվություն գեներացվի Հայաստանում առկա բոլոր թափուր աշխատատեղերի վերաբերյալ: Եվ այս պրոցեսի արդյունքում է, որ մենք օպտիմալացման հետևանքով կրճատված աշխատողների, ինչպես նաև գործազրկության հարցը պետք է փորձենք լուծել: Եվ սա մեկ օրվա լուծվելու հարց չէ, բայց մենք այդ ուղղությամբ ինտենսիվ աշխատում ենք»,- շարունակեց Աղաջանյանը:
Մանրամասները՝ տեսանյութում:
