11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Համաներմամբ ազատ արձակվածները նորից ձերբակալվում են. Նիկոլ Փաշինյան. ՏԵՍԱՆՅՈՒԹ
Հասարակություն
15.02.2019 | 12:29
Հանցավորության մակարդակի առումով այսօր, ցավոք, որոշակի խնդիրներ ունենք, և այդ մակարդակն իջեցնելու խնդիր ունենք: Փետրվարի 15-ին Կառավարության նիստի ընթացքում այս մասին ասաց ՀՀ վարչապետ Նիկոլ Փաշինյանը:
«Հիմա նաև ունենք այնպիսի տրամաբանություն, երբ համաներմամբ ազատ արձակված անձինք նորից ձերբակալվում են, բռնվում են նույնատիպ հանցանք կատարելու համար»,- հավելեց վարչապետը:
Նրա խոսքով՝ ընդհանրապես, այս ոլորտում համահարթեցնող տրամաբանությամբ գործողություն չպետք է անել:
«Սրա փոխարեն այն խնդիրը, որ մենք լուծում ենք համաներումների միջոցով, պետք է լուծենք պայմանական վաղաժամկետ ազատ արձակման մեխանիզմն ի վերջո գործարկելու միջոցով»,- նշեց նա:
Ըստ Նիկոլ Փաշինյանի՝ համահարթեցնող տրամաբանությունը վերաբերում է կա՛մ բոլորին, կա՛մ խմբերին՝ առանց անհատականացման. «Իսկ պայմանական վաղաժամկետ արձակման մեխանիզմի պարագայում գործ ունես կոնկրետ մարդու հետ, և հնարավորություն կա գնահատելու կոնկրետ մարդու հնարավոր վարքագիծը ազատության մեջ հայտնվելուց հետո: Եվ դա որոշումներն առավել հասցեական ու առավել գիտակցված է դարձնում»:
Մանրամասները՝ տեսանյութում:
