18.01.2026 | 18:39
Մակրոնը կոչ է արել ԵՄ-ին պատասխանել ԱՄՆ-ին «առևտրային բազուկայով»
Թրամփը դիմում է ծայրահեղ քայլի. ԱՄՆ-ում արտակարգ դրություն կհայտարարվի
Քաղաքականություն
15.02.2019 | 12:25
ԱՄՆ նախագահ Դոնալդ Թրամփը պատրաստվում է ստորագրել բյուջեի վերաբերյալ Կոնգրեսի նախապատրաստած օրենքի նախագիծը՝ նոր պարապուրդից խուսափելու համար․ հայտնում է gazeta.ru-ն։
Ընդ որում, օրենսդրական նախագիծը չի նախատեսում Մեքսիկայի հետ սահմանին կառուցվող պատի համար տրամադրվող գումարի հատկացում։ Այն ենթադրում է, որ ֆինանսական տարում կառավարական կազմակերպությունները կշարունակեն աշխատանքը, սակայն նրանց ֆինանսավարումը 5,7 մրլդ դոլարով կկրճատվի։ Հիշեցնենք, որ 5,7 մլրդ դոլար Թրամփը նախատեսել էր Մեքսիկայի հետ սահմանին խոստացված պատը կառուցելու համար։
Այդուհանդերձ, Թրամփը, նախընտրական գլխավոր խոստումը պահելու համար, պատրաստվում է երկրում արտակարգ դրություն հայտարարել։ Այդ դեպքում նա կկարողանա զգալի գումարներ ծախսել իր նախընտրական խոստումը կատարելու համար։
Թրամփի նախընտրական թիմն այն կարծիքին է, որ երկրի պատմության մեջ ամենաերկարատև պարապուրդը չի ազդել 2020 թվականի նախագահական ընտրություններին Թրամփի մասնակցության վրա։
Հիշեցնենք, որ ԱՄՆ կառավարության պարապուրդը 35 օր էր տևել։ ԱՄՆ տնտեսության կորուստն այդ ընթացքում 11 մլրդ էր գնահատվել։
Նելլի Մելքոնյան
