11.12.2024 | 15:43
Ուրսուլա ֆոն դեր Լեյենը պատրաստվում է այցելել Թուրքիա՝ Սիրիայի հարցով Էրդողանի հետ քննարկումների
Բացահայտել 100 հազար դրամից ավելի վարկ սպասարկող և նպաստ ստացողներին. Փաշինյանի հանձնարարականը. ՏԵՍԱՆՅՈՒԹ
Հասարակություն
15.02.2019 | 11:49
Ազգային ժողովում Կառավարության 5-ամյա ծրագրի քննարկման արդյունքներով կարող եմ արձանագրել, որ Հայաստանի Հանրապետության հանրության, քաղաքացիների կողմից ընկալված է տնտեսական հեղափոխության մեր բանաձևը: Փետրվարի 15-ին գործադիրի նիստում այս մասին ասաց ՀՀ վարչապետ Նիկոլ Փաշինյանը՝ հավելելով, որ Կառավարությունը դեռ պետք է ընդունի գործունեության ծրագրից բխող միջոցառումների ցանկը:
Վարչապետը ներկայացրեց այդ ցանկը՝ ներդրումային առաջարկներ, ջրի, գազի, էլեկտրաէներգիայի կանխատեսելի հասանելիության կարգավորումներ, Ներդրումային հայկական հիմնադրամի ստեղծման աշխատանքներ և այլն:
Նիկոլ Փաշինյանը գործադիրի անդամներին առաջարկում է նաև մեխանիզմներ մշակել, որպեսզի սեզոնային, ժամանակավոր աշխատանքի ընդունվելու պարագայում քաղաքացիները չզրկվեն ընտանեկան կամ սոցիալական նպաստներից: Միաժամանակ, ըստ նրա, պետք է բացահայտել այն մարդկանց, ովքեր ամսական 100 հազար դրամ և ավելի վարկեր են սպասարկում, սակայն օգտվում են նպաստների համակարգից:
Ինչ վերաբերում է ներդրումներին, Փաշինյանի հավաստմամբ՝ Կառավարության ձեռքի տակ բազմաթիվ ներդրումային ծրագրեր կան:
«Այդ ներդրումային ծրագրերից մի մասն իրականանալի է, մի մասն ալուրջ է, մի մասի վրա պետք է աշխատել: Ընդ որում՝ պոտենցիալ ներդրողները պետության հետ հարաբերվելու տարբեր ուղիներ են նախընտրում: Մի մասը նախընտրում է նախարարությունների հետ աշխատել, մի մասը՝ փոխվարչապետերի կամ վարչապետի, անգամ նախարարների, մարզպետների հետ», – ասաց նա։
Վարչապետը դա նորմալ է համարում, բայց, ըստ նրա, ներդրումային բանակցությունների վերաբերյալ ամբողջ տեղեկատվությունը պետք է կենտրոնանա Տնտեսական զարգացման և ներդրումների նախարարությունում:
Նրա խոսքով՝ ամենատարբեր մարդիկ մեծածավալ ներդրումներ անելու ցանկություն են հայտնում, բայց պետք է ուսումնասիրել մարդու բանկային պատմությունը, ինչը շատ կարևոր է՝ ներդրումային պոտենցիալը հասկանալու համար:
«Եթե մարդը, որը, ենթադրենք, կյանքում իր բանկային հաշվին 5.000 դոլար չի ունեցել, եկել ասում է՝ 50 մլն դոլարի ներդրում եմ ուզում անել, հասկանալի է, որ այդտեղ ինչ-որ բան այնպես չէ: Բայց եթե բանկը հավաստիացնում է, որ այս մարդն ունի ներդրումային պոտենցիալ և գիտի, թե ինչ թվերի մասին է խոսում, դա արդեն կոնկրետ և պաշտոնական ազդակ է»,- հավելեց Նիկոլ Փաշինյանը:
Մանրամասները՝ տեսանյութում:
