10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Դիտորդական ֆեյք կազմակերպությունների դեմ պայքարելու լիազորություն չունենք. Տիգրան Մուկուչյան. ՏԵՍԱՆՅՈՒԹ
Հասարակություն
15.02.2019 | 11:16
Ընտրական օրենսգիրքը ԿԸՀ-ին թույլ է տալիս ԸՕ-ի փոփոխությունների հարցով առաջարկություններ անել Ազգային ժողովին և կառավարությանը: Սակայն այսքան ժամանակ ԿԸՀ-ն իր այս լծակից չի օգտվել:
ԱԺ պետական-իրավական հարցերի մշտական հանձնաժողովի նիստի ժամանակ ԿԸՀ նախագահ Տիգրան Մուկուչյանից «Իմ քայլը» խմբակցության պատգամավոր Վահագն Հովակիմյանը հետաքրքրվեց, թե ինչու չեն օգտվել իրենց ընձեռված այս հնարավորությունից և հնարավոր է արդյոք, որ առաջիկայում ԿԸՀ-ն այս հարցով սեփական նախաձեռնությամբ հանդես գա:
ԿԸՀ նախագահ Տիգրան Մուկուչյանը պատասխանեց, որ իրենք ունեն մի քանի դիտարկում, որոնք պատրաստվում են առաջիկայում փաթեթով ներկայացնել: «Դրանցից մեկը ֆեյք դիտորդական կազմակերպությունների առաքելության մասին է: Ցավոք, կան կազմակերպություններ, որոնք գալիս էին քողարկված՝ քաղաքական շահն առաջ տանելով: Այստեղ մենք չունենք լիազորություն դիտորդի կողմից քարոզչություն իրականացնելու դեպքում նրա գործունեությունը կասեցնելու»,- ասաց Տիգրան Մուկուչյանը:
Մանրամասները՝ տեսանյութում:
