18.01.2026 | 19:11
Խուսափեք երրորդ կողմերի միջամտությունից և հավելյալ վճարներից․ ՀՀ-ում ԱՄՆ դեսպանատնից զգուշացնում են
Առաջին անգամ համապետական ընտրությունների արդյունքները ՍԴ-ում չվիճարկվեցին. Տիգրան Մուկուչյան․ ՏԵՍԱՆՅՈՒԹ
Քաղաքականություն
15.02.2019 | 10:32
ՀՀ Ազգային ժողովի պետական-իրավական հարցերի մշտական հանձնաժողովի փետրվարի 15-ի նիստում «ՀՀ Ազգային ժողովի 2018 թվականի դեկտեմբերի 9-ի արտահերթ ընտրությունների մասին» Կենտրոնական ընտրական հանձնաժողովի գործունեության վերաբերյալ հաշվետվությանը հիմնական զեկուցող, ԿԸՀ նախագահ Տիգրան Մուկուչյանը հայտարարեց, որ առաջին անգամ համապետական ընտրությունների արդյունքները Սահմանադրական դատարանում չվիճարկվեցին:
«Մեր իրավական մշակույթ նոր մոտեցում մտավ, որովհետև համապետական ընտրություններից հետո առկա չէ դեպք, որ դատական կարգով բողոքարկված չլինեն ընտրության արդյունքները: Եվ ահա առաջին անգամ, ըստ էության, ընտրության արդյունքները հրապարակվեցին, և ՍԴ-ում որևէ վիճարկում չունեցանք, նաև չեղան վիճարկումներ ԿԸՀ-ում՝ ընտրության արդունքների հետ կապված: Կարծում եմ՝ սա կարևորագույն ձեռքբերում է»,- ասաց նա:
Տիգրան Մուկուչյանը նաև նշեց, որ ընդհանուր ընտրական գործընթացի կազմակերպման առումով որևէ ժամկետային խախտում չի եղել, թեև, նշեց, ընտրություններին նախապատրաստելու ժամկետը կարճ էր, իսկ գործառույթները՝ նույնչափ: Վերահաշվարկների հետ կապված ԿԸՀ նախագահն ասաց, որ 13 դիմում են ստացել, որից մեկն է միայն ներկայացվել իրավասու սուբյեկտի կողմից, մնացած 12-ը ներկայացվել է այն անձանց կողմից, ովքեր, ըստ ԸՕ-ի, նման դիմումներ ներկայացնելու իրավունք չունեին:
Այդուհանդերձ, տարածքային ընտրական հանձնաժողովները սեփական նախաձեռնությամբ 57 ընտրատարածքներում ներկայացրել են վերահաշվարկի արդյունքներ, մեկը՝ դիմումի համաձայն, 56-ը՝ սեփական նախաձեռնությամբ: Արդյունքում որևէ փոփոխութուն չի արձանագրվել, եղած անճշտություններն էլ աննշան են եղել:
Մանրամասները՝ տեսանյութում:
