10.06.2026 | 20:13
Վալերի Ծառուկյանը հեռացել է «Ախմատից»
Դեսպան Հրաչյա Փոլադյանը հանդիպել է Իրաքի գյուղատնտեսության նախարարի հետ
Քաղաքականություն
14.02.2019 | 19:21
ՀՀ արտաքին գործերի նախարարությունից տեղեկացնում են, որ փետրվարի 14-ին Իրաքում ՀՀ դեսպան Հրաչյա Փոլադյանը հանդիպել է Հայ-իրաքյան միջկառավարական հանձնաժողովի համանախագահ, Իրաքի գյուղատնտեսության նախարար Սալեհ ալ-Հասանիին (Saleh al-Hassani)։
«Դեսպան Փոլադյանը նախարար ալ-Հասանիին շնորհավորեց պաշտոնի ստանձնման կապակցությամբ և մաղթեց արգասաբեր գործունեություն։
Հանդիպման ընթացքում կողմերը քննարկեցին 2017թ. Երևանում կայացած Հայ-իրաքյան միջկառավարական հանձնաժողովի երկրորդ նիստին հաջորդող ժամակահատվածի ընթացիկ աշխատանքները և ձեռք բերված պայմանավորվածությունների կատարման արդյունքները, ինչպես նաև պայմանավորվեցին նախարար ալ-Հասանիի առաջարկով` Հանձնաժողովի երրորդ նիստն ընթացիկ տարվա դեկտեմբերի առաջին կեսին Բաղդադում անցկացնելու շուրջ, ինչը մեծապես կնպաստի հայ-իրաքյան համագործակցության առավել զարգացմանն ու առաջընթացին` հատկապես տնտեսական բնագավառում»,- ասված է տարածված հաղորդագրությունում:
