15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Դուք մեզ չեք կարող ասել՝ ինչ ասենք, պարոն վարչապետ, բարի գալուստ խորհրդարան. Է. Մարուքյան. ՏԵՍԱՆՅՈՒԹ
Քաղաքականություն
14.02.2019 | 16:05
Վարչապետի պատասխան ելույթն ուղղակի ցուցանիշն էր այն բանի, որ քննադատություն լսելու շատ լուրջ պրոբլեմ կա Կառավարության ղեկավարի մոտ, և նա իր ելույթում մեզ վերագրեց թեզեր, որոնք մենք չէինք ասել, նա ջախջախեց այդ թեզերը. այսօր Ազգային ժողովում ՀՀ վարչապետ Նիկոլ Փաշինյանի ելույթից հետո ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը։
«Մենք զարմացած ենք, որ իշխանությունը կարող է այդքան անհանդուրժող լինել։ Ավելին, երբ խոսում էինք ձեռ առնելու մասին, և վարչապետը տիկին Գրիգորյանին ասում է՝ լավ եք պահպանվել և հիմա շարունակում է կարմրախայտի թեման, գիտեք, կարծում եմ, որ վարչապետը պետք է ներողություն խնդրի Սրբուհի Գրիգորյանից։ Ընդհանրապես, գոռալ ընդդիմության վրա, ճվալ, ասել այս չասեք․․․ դուք չեք կարող մեզ ասել, թե մենք ինչ ասենք պարոն վարչապետ, բարի գալուստ խորհրդարան»,- ասաց Մարուքյանը։
Մանրամասները՝ տեսանյութում։
