20.10.2026 | 15:10
Սոկոլովը՝ Թեղուտի հանքավայրի ձեռքբերման մասին // Հայաստանից 908,6 տոննա ծաղիկ է արտահանվել 30 երկիր․ ԼՈՒՐԵՐ
Իրականում տեղի ունեցավ շատ լուրջ գաղափարական բանավեճ․Նիկոլ Փաշինյան. ՏԵՍԱՆՅՈՒԹ
Քաղաքականություն
14.02.2019 | 15:17
Վերջին երեք օրվա քննարկումները համարում եմ խիստ հաջողված, որովհետև իրականում տեղի ունեցավ շատ լուրջ գաղափարական բանավեճ և բախում. Ազգային ժողովում Կառավարության ծրագրի վերաբերյալ իր ամփոփիչ ելույթի ժամանակ ասաց վարչապետ Նիկոլ Փաշինյանը։
«Եթե պատկերավոր ասեմ՝ այստեղ երկու մտածողության, երկու խումբ մարդկանց բախում էր։ Մի մասն այստեղ ներկայացնում էր այն տեղեկությունը, որը ստացել էր իր կարդացած գրքերից, իսկ մի մասը խոսում էր նրանից, որ իրենք պատրաստվում են գիրք գրել։ Մի մասը խոսում էր այն պատմության մասին, որն իրենց հայտնի է, մի մասը խոսում է այն պատմության մասին, որը պատրաստվում են ստեղծել և Կառավարության ծրագրի մասին խոսելիս մեջ չբերվեց նրա թերևս ամենակարևոր հատվածը, որտեղ ասվում է, որ Կառավարության այս ծրագրի գաղափարական հիմքն իրենց դաշինքի գաղափարական հենքն է, որը արտահերթ ընտրություններին ստացել է ընտրողների բացարձակ մեծամասնության վստահության քվեն, և Կառավարությունը վճռական է խորհրդարանական այլ ուժերի, քաղաքացիական հասարակության հետ երկխոսության միջոցով իրականացնել տնտեսական հեղափոխություն»,- ասաց վարչապետը։
Մանրամասները՝ տեսանյութում։
