08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Փիլիոսոփայական հարցերին փիլիսոփայորեն չեմ պատասխանում. Մակունցը՝ «ե՞րբ ենք լավ ապրելու» հարցի մասին. ՏԵՍԱՆՅՈՒԹ
Քաղաքականություն
14.02.2019 | 15:15
Կառավարության ծրագիրը լայնորեն քննարկվել է խմբակցությունում, բարձրաձայնվել է այն ամենը, ինչը տեղ չի գտել կառավարության ծրագրում: ԱԺ-ում լրագրողների հետ ճեպազրույցում ասաց «Իմ քայլը» խմբակցության ղեկավար Լիլիթ Մակունց՝ պատասխանելով հարցին, թե ի՞նչ բացթողումներ են նկատել ծրագրում:
«Մեր անելիքը բավական շատ է: Միեւնույն ժամանակ, ծրագիրը լայն է, ընդհանուր է, ճկուն է»,- ասաց նա: Լիլիթ Մակունցի խոսքով՝ խմբակցության դիտարկումներն օրվա ավարտին գրավոր ներկայացնելու է ԱԺ նախագահին:
«Ուզում եմ շեշտել, որ կառավարությունն այդ առաջարկությունները քննարկելու է իր գործողությունների պլանների շրջանակում: Առաջարկություններն այն մասին են, թե ինչ ավելի բան կարող ենք անել»,- նշեց խմբակցության ղեկավարը:
Factor.am-ի հարցին, եթե ծրագիրն այս տեսքով հավանության արժանանա, ապա քաղաքացիները ե՞րբ դրական փոփոխություն կզգան իրենց կյանքում, Լիլիթ Մակունցը պատասխանեց. «Աշխատում եմ խուսափել փիլիոսոփայական հարցերին փիլիսոփայորեն պատասխանելուց: Չեմ կարծում, որ պետք է այս ճեպազրույցի շրջանակում պատասխանեմ այս հարցին: Ծրագրի ընդունումից հետո գործադիրը պետք է անցնի գործողությունների»:
Մանրամասները՝ տեսանյութում:
