08.06.2026 | 13:41
Էստոնիայի վարչապետը շնորհավորել է Փաշինյանին ԱԺ ընտրություններում ՔՊ-ի հաղթանակի առիթով
Ձեր նշանակած ոստիկանապետին լակոտ են ասում դատարանում, նախարարին հաթաթա տալիս, իսկ դուք չեք կարողանում պաշտպանել, համարձակություն չունեք զորավիգ լինելու․ Արման Բաբաջանյան․ ՏԵՍԱՆՅՈՒԹ
Քաղաքականություն
14.02.2019 | 10:49
Այլաբանական գեղեցիկ համեմատությունները ոչ մի աղերս չունեն մեր կյանքի հետ, որովհետև եթե ձեր նկարագրած այգին ու այգեպանը չունեն ներքին և արտաքին անհրաժեշտ պաշտպանություն անձրևից, կայծակից, կարկուտից, այգու ծառերը ոչ մի դեպքում ձեր այդքան գեղեցիկ նկարագրած բերքը չեն ապահովելու:
Այս մասին այսօր խորհրդարանում անդրադառնալով ԱԺ «Իմ քայլը» խմբակցության պատգամավոր Հայկ Կոնջորյանի ելույթի այն հատվածին, որ Կառավարությունն այգեպան է, որը պետք է այգին մաքրի մոլախոտերից ու փշերից, ասաց «Լուսավոր Հայաստան» խմբակցության պատգամավոր Արման Բաբաջանյանը։
«Ձեր նշանակած ոստիկանապետին դատարանում ասում են «լակոտ», ձեզնից և ոչ մեկ նրան չի պաշտպանում, երեկ էլ պաշտպանության նախարարին էին արդեն հաթաթա տալիս, իսկ դուք համարձակություն չունեք զորավիգ լինելու։ Մինչև ե՞րբ: Ի՞նչ այգի, ի՞նչ այգեպան, ի՞նչ հիմն, ի՞նչ դրոշ, երբ պետականության համար կենսական այս ինստիտուտները չեք կարողանում միասնաբար պաշտպանել»,- իր մտահոգությունները հայտնեց պատգամավորը։
Մանրամասները՝ տեսասնյութում։
Աղավնի Սուքիասյան
