07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
ԲՀԿ-ն թվեր է ուզում․ փոփոխություններ է առաջարկում Կառավարության ծրագրում. ՏԵՍԱՆՅՈՒԹ
Քաղաքականություն
14.02.2019 | 10:31
Ազգային ժողովում այսօր շարունակվում է Կառավարության ծրագրի քննարկումը։
ԱԺ փոխնախագահ Վահե Էնֆիաջյանն իր ելույթում ներկայացրեց «Բարգավաճ Հայաստան» խմբակցության առաջարկությունները Կառավարության ծրագրի վերաբերյալ։
«Մասնավորապես, առաջարկում ենք ծրագիրը համալրել նոր՝ 9-րդ գլխով, որտեղ կամրագրվեն ծրագրի կատարման երաշխիքները, սպասվող ռիսկերը, ծրագրի իրականացման կոնկրետ գործիքակազմը և ըստ տարիների պարտականությունները՝ մինչև 2023 թվականը»,- ասաց պատգամավորը՝ նշելով, որ ի թիվս այլ կետերի առաջարկում են հստակ ներկայացնել աշխատավարձի, միջին կենսաթոշակի, աճն ըստ տարիների:
Պատգամավորը նաև հավելեց․ «Ձեր վերաբերմունքից կախված կլինի, թե խմբակցության ներկայացուցիչներով ինչպիսի քաղաքական դիրքորոշում մենք կունենանք»:
ԱԺ նախագահ Արարատ Միրզոյանն էլ պատգամավորի ներկայացրած առաջարկությունները լսելուց հետո նշեց, որ եթե Կառավարությունը շատ ցանկանա էլ, չի կարող իր ծրագրում ներառել ԲՀԿ խմբակցության առաջարկությունները:
Մանրամասները՝ տեսանյութում։
Աղավնի Սուքիասյան
