12.03.2026 | 12:28
Ուիթկոֆը հայտնել է Դմիտրիևի հետ ԱՄՆ-ում հերթական հանդիպման մասին
Լիտվայի մշակույթի նախարարը ՅՈՒՆԵՍԿՕ-ի հոբելյանական իրադարձությունների օրացույցում ներառված Կոմիտասի և Հովհ. Թումանյանի 150-ամյակների համատեքստում նախատեսված մի շարջ միջոցառումներ է ներկայացրել
Քաղաքականություն
13.02.2019 | 20:18
ՀՀ ԱԳՆ-ից տեղեկացնում են, որ Լիտվայում ՀՀ դեսպան Տիգրան Մկրտչյանը հանդիպում է ունեցել Լիտվայի մշակույթի նախարար Մինդաուգաս Կվիետկաուսկասի հետ:
«Շնորհավորելով նշանակման կապակցությամբ՝ դեսպան Մկրտչյանը նախարար Կվիետկաուսկասին հաջողություն և արդյունավետ գործունեություն մաղթեց՝ միաժամանակ համոզմունք հայտնելով, որ ՀՀ դեսպանության և Լիտվայի մշակույթի նախարարության միջև ձևավորված սերտ համագործակցությունը կպահպանվի և կընդգրկի փոխգործակցության նոր ոլորտներ։
Նախարար Մինդաուգաս Կվիետկաուսկասն նշեց, որ ուշադրությամբ հետևում և ողջունում է դեսպանության ակտիվ մշակութային գործունեությունը՝ առանձնահատուկ ընդգծելով վերջերս Կոմիտասի 150-ամյակին նվիրված «Գյուրջիև» համույթի՝ Լիտվայում տեղի ունեցած համերգները, որոնք մեծ արձագանք ստացան երկրում։
Դեսպան Մկրտչյանը զրուցակցին ներկայացրեց դեսպանության առաջիկա ծրագրերը և նախաձեռնությունները, մասնավորապես՝ գրատպության, ցուցահանդեսների, տարբեր համերգների և մշակութային միջոցառումների կազմակերպման ուղղությամբ։ Դեսպանն առանձնացրեց Կոմիտասի և Հովհաննես Թումանյանի 150-ամյակները, որոնք ներառվել են ՅՈՒՆԵՍԿՕ-ի հոբելյանական իրադարձությունների օրացույցում, ներկայացրեց դրանց համատեքստում նախատեսված մի շարջ միջոցառումներ։
Նախարար Կվիետկաուսկասն իր պատրաստակամությունն արտահայտեց հնարավորության սահմաններում աջակցելու դեսպանության նախաձեռնություններին»,- ասված է հաղորդագրությունում:
