11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Բացահայտվում է, թե ինչու նախկին պաշտոնյաների որդիները չեն ծառայել. Դավիթ Տոնոյան. ՏԵՍԱՆՅՈՒԹ
Հասարակություն
13.02.2019 | 19:03
Նախկին պաշտոնյաների որդիների չծառայելու հանգամանքները կամաց-կամաց բացահայտվում են: Այս մասին ԱԺ-ում Factor TV-ի հարցին ի պատասխան՝ ասաց պաշտպանության նախարար Դավիթ Տոնոյանը:
«Այդ գործընթացն ընթացքում է, կամաց-կամաց բացահայտվում է: Այդպիսի դեպքերը միշտ կապված են եղել առողջության հետ»,- ասաց նախարարը:
Նա, սակայն, մեր հարցին ի պատասխան հրաժարվեց անուններ տալ: «Չեմ կարող անուններ ասել, այնպես է ստացվում, որ նրանք նախկին պաշտոնյաների որդիներն են»:
Հիշեցնենք, որ իշխանափոխությունից հետո հեղափոխական թիմը հայտարարում էր, որ բացահայտումներ են լինելու, թե ինչու որոշ պաշտոնյաների զավակներ չեն անցել պարտադիր զինվորական ծառայություն:
Դավիթ Տոնոյանն էլ մի առիթով նշել էր, որ նրանց ծառայելու իրավունքը պարտադիր վերականգնվելու է:
Ի դեպ, նախկին իշխանությունների օրոք չծառայած բարձրաստիճան պաշտոնյաների որդիների ցուցակը առաջին անգամ պաշտոնապես հրապարակվեց Factor.am-ի հարցմանն ի պատասխան։
Մանրամասները՝ տեսանյութում:
