14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հայկ Կոնջորյանը՝ կաշառակեր պաշտոնյաների, կրծողների ու այգեպանի մասին. ՏԵՍԱՆՅՈՒԹ
Քաղաքականություն
13.02.2019 | 16:31
Ազգային ժողովի «Իմ քայլը» խմբակցության պատգամավոր Հայկ Կոնջորյանի խոսքով՝ Կառավարության վերջին ամիսների գործունեությունն ուսումնասիրելիս տեսնում ենք, որ կոռուպցիայի դեմ տարվում է անողոք պայքար, մոնոպոլիաներ և հովանավորչություն չկա, պետության բարձրագույն ղեկավարությունը ներգրավված չէ կառուպցիոն գործարքների և կապերի մեջ, հետևաբար ստացվում է մեկ տարի առաջ բոլորիս կողմից հնչեցված տնտեսության հիմնական խոչընդոտների թոփ տասնյակի գոնե կեսը կա՛մ վերացել է, կա՛մ չեզոքացվել։
Ըստ պատգամավորի՝ Կառավարության ներկայացրած ծրագիրը հեղափոխական է, որովհետև կատարվել են հեղափոխական քայլեր։
«Ես ցանկանում եմ հիշել Տարոն Աճեմօղլուն, որն ասում է, որ պետությունները ձախողվում են իրենց ինստիտուտների պատճառով։ Բռնապետական երկրներում գոյություն ունեն կեղեքող, բացառող ինստիտուտներ, երբ իշխանությունը կենտրոնացված է մի խումբ մարդկանց ձեռքում և ավելի քիչ մարդ է ցանկանում բիզնես անել, իսկ ներառող ինստիտուտները ստեղծում են մոտիվացիաներ, որը բերում է նրան, որ ավելի շատ քաղաքացիներ որոշել են սկսել իրենց բիզնեսը։ Նախկին՝ մեկ տարի առաջվա Հայաստանում, մենք գործ ունեինք բացառող, իսկ այսօր՝ ներառող ինստիտուտների հետ»,- մանրամասնեց Կոնջորյանը։
Պատգամավորը խոսեց նաև հասարակության մոտ արժեհամակարգի փոփոխության անհրաժեշտության մասին, որի պարագայում ինչպես քաղաքացին կարողացավ կատարել քաղաքական հեղափոխություն, այնպես էլ կկարողանա իրագործել տնտեսական հեղափոխություն։ Անդրադառնալով այդ գործընթացի ապահովման համար Կառավարության դերին՝ Հայկ Կոնջորյանն ասաց․ «Կառավարությունը նման է այգեպանի, որը պետք է ապահովի համապատասխան միջավայր, որ ծառերը պտուղ տան։ Այդ այգեպանը պետք է այգին մաքրի մոլախոտերից ու փշերից, պայմանականորեն դրանք մոնոպոլիաներն են, պետք է պայքարի կրծողների և միջատների դեմ, պայմանականորեն դրանք կաշառակեր պաշտոնյաներն են»։
Մանրամասները՝ տեսանյութում։
Աղավնի Սուքիասյան
