10.06.2026 | 20:13
Վալերի Ծառուկյանը հեռացել է «Ախմատից»
Գագիկ Ծառուկյանի և ԲՀԿ-ի առաջարկը՝ Կառավարությանը. ՏԵՍԱՆՅՈՒԹ
Քաղաքականություն
13.02.2019 | 15:40
Համապատասխան շտկումներ իրականացնել Կառավարության այս ծրագրում, Կառավարության ծրագրի իրականացման ռիսկերի արձանագրում և հստակ երաշխիքների արձանագրում․ ահա սրանք են այն երեք կետերը, որոնք ԱԺ «Բարգավաճ Հայաստան» խմբակցությունն ու նրա ղեկավար Գագիկ Ծառուկյանն առաջարկում են Կառավարության ղեկավարին։
Այս մասին այսօր ԱԺ-ում իր ելույթի ժամանակ ասաց ԲՀԿ-ական պատգամավոր Միքայել Մելքումյանը։
Ըստ պատգամավորի՝ Հայաստանն այսօր չի կարող անգամ կես տոկոսով մեծ վարկեր վերցնել, որովհետև կան խնդիր կապված բանկային համակարգի և ՀՀ-ի ունեցած արտաքին պարտքի հետ։
«Բանկային համակարգի կապիտալիզացիան շատ ավելի շատ է, քան մյուս ոլորտները, իսկ դա նշանակում է, որ մեր տնտեսության իրական հատվածը՝ արդյունաբերությունը, գյուղատնտեսությունը, շինարարությունը պետք է ունենան լուրջ կապիտալիզացիայի անհրաժեշտություն, հակառակ դեպքում այդ ոլորտներին երբեք մեծ վարկեր չեն տա»,- ասաց պատգամավորը։
Միքայել Մելքումյանը խոսեց նաև ներդրումային միջավայրի ձևավորվան հետ կապված խնդիրների մասին՝ շեշտելով, որ համակարգային կոռուպցիայի վերացումն ու մենաշնորհների բացակայությունը ներդրողների համար բավարար չեն։
«Ներդրողն առանց մեր ասելու էլ անգիր գիտի, թե ՀՀ-ում ինչ կա»,- նկատեց պատգամավորը՝ շեշտելով, որ բիզնեսը պետք է համոզվի, որ կա շահութաբեր և անվտանգ միջավայր, իսկ պետությունն էլ պետք է պիլոտային ծրագրեր իրականացնի։
Մանրամասները՝ տեսանյութում։
Աղավնի Սուքիասյան
