03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Մեխել եմ բոլոր իշխանությունների ճակատին ժողովրդին հուզող խնդիրները․ Տիգրան Ուրիխանյան. ՏԵՍԱՆՅՈՒԹ
Քաղաքականություն
13.02.2019 | 15:34
Ազգային ժողովի ԲՀԿ-ական պատգամավոր Տիգրան Ուրիխանյանը խորհրդարանի ամբիոնից վստահեցնում է՝ մեխել է բոլոր և հատկապես նախորդ իշխանությունների ճակատին բոլոր այն խնդիրները, ոորնք հուզում են ժողովրդին՝ հետևաբար ԱԺ ամբիոնից այժմ էլ բարձրաձայնում է այդ խնդիրներից որոշները:
«Ի՞նչ ժամանակահատվածում են առաջանալու սուր անհրաժեշտություն հանդիսացող աշխատատեղեր։ Ի՞նչ ժամանակահատվածում են այն մարդիկ, որոնք իրենց կյանքը նվիրել են հայրենիքին ստանալու արժանապատիվ թոշակ և այլ արտոնություններ, որտե՞ղ են ներդրումները, արդյոք պետությունը միայն հարկահավաք գործառույթներով կապահովի՞ այն միջոցները, որոնք հնարավորություն կստեղծեն զարգացնելու տնտեսությունն ու պետությանը շահույթ ձեռք բերելու հնարավորություն կտան։ ԵՏՄ-ի շրջանակներում արդյոք կատարվո՞ւմ է աշխատանք, որի հետևանքով, ի տարբերություն նախորրդ ժամանակահատվածի, օգտվելու ենք այն հնարավարություններից, որոնք մեզ ընձեռնվել են։ Կա՞ քննարկում արդյոք մեզ բլոկադայից հանող երկաթգծի շահագործման վերաբերյալ»,- հարցադրումներ հնչեցրեց պատգամավորը՝ շեշտելով, որ իր համար չափազանց տհաճ էր երեկ լսել, որ եթե տատիկն իր առևտրի դիմաց չպահանջի ՀԴՄ կտրոն, նրա թոշակը չի բարձրանա։
Պատգամավորը նաև հավելեց, որ ամբողջ ժողովուրդը գործող սկուտեղի վրա մատուցել է լիակատար իշխանություն, հետևաբար պատասխանատվությունը նրանց ուսերին է։
Մանրամասները՝ տեսանյութում։
Աղավնի Սուքիասյան
