15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Մենք այսօր սահմանադրականության իմաստով թերի Կառավարություն ունենք. Արծվիկ Մինասյան. ՏԵՍԱՆՅՈՒԹ
Քաղաքականություն
13.02.2019 | 13:54
Ներկա Կառավարությունը բոլոր մակարդակներում, ցավոք, օրենքի սահմանադրականության և իրավունքի հետ, կարծես, պրոբլեմ ունի: Փետրվարի 13-ին հրավիրված ասուլիսում նման կարծիք հայտնեց ՀՅԴ մասնագիտական հանձնախմբերի համակարգող Արծվիկ Մինասյանը:
«Հաճախ կա՛մ չեն ծանոթանում օրենքի կամ Սահմանադրության համապատասխան դրույթին, կա՛մ պատշաճ ձևով չեն ներկայացնում իրավական վերլուծություն, մոտեցում, որի արդյունքում մենք արձանագրում ենք, որ հաճախ տեսնում ենք իրավունքի և օրենքի տարակերպ մեկնաբանություններ, հակասող մոտեցումներ, իսկ որ ամենացավալին է՝ հաճախ նաև պարզապես անտեսում սահմանադրական նորմերի»,- ասաց Մինասյանը:
Նա վկայակոչեց Սահմանադրությունն ու Կառավարության կառուցվածքի և գործունեության մասին օրենքը՝ նշելով, որ վարչապետը պարտավոր է իր նշանակումից հետո հնգօրյա ժամկետում Կառավարության անդամների թեկնածուների առաջարկել ՀՀ նախագահին. «Որևէ օրենքի նորմ չի սահմանում բացառություն, որ դուք կարող եք մի մասին ներկայացնել: Այսինքն՝ առաջարկության ներկայացումը վերաբերում է բոլորին»:
Ըստ Արծվիկ Մինասյանի՝ Կառավարության անդամների 2/3-ի կազմավորումն օրենքը նախատեսում է որպես պարտադիր պայման երկու իրավական հետևանք առաջացնելու համար:
«Առաջինը, եթե 2/3-ը չնշանակվի 15 օրվա ընթացքում, ապա վարչապետը համարվում է հրաժարական տված: Եվ երկրորդ, եթե նշանակված է համարվում, այդ պահից սկսած գործում է սահմանադրական այն նորմը, որ 20 օրվա ընթացքում Կառավարությունը պարտավոր է Ազգային ժողովին ներկայացնել իր ծրագիրը: Հետևաբար՝ սա փաստում է այն մասին, որ իրավական համապատասխան խորհրդատվություն տվող անձինք, ցավոք, անտեսել են այս կարևոր պայմանը, և փաստացի մենք այսօր ունենք սահմանադրական իմաստով թերի Կառավարություն»,- ասաց Արծվիկ Մինասյանը:
Մանրամասները՝ տեսանյութում:
