28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
ԱՄՆ-ի պետական պարտքը պատմական ռեկորդ է սահմանել՝ հասնելով 22 տրլն դոլարի
Քաղաքականություն
13.02.2019 | 14:55
ԱՄՆ-ի պետական պարտքը ռեկորդային մակարդակի է հասել՝ կազմելով 22.01 տրլն դոլար: ՌԲԿ-ի փոխանցմամբ՝ այս մասին նշված է ԱՄՆ Ֆինանսների նախարարության կայքում հրապարակված փաստաթղթում:
Հունվարին պարզ դարձավ, որ 2018 թվականի վերջին ամերիկյան պետական պարտքը հասել է 21.9 տրլն դոլարի. 2017-ի սկզբին այս ցուցանիշը 19.9 տրլն էր: Ֆինանսների նախարարության տվյալներով՝ երկրի պետական պարտքը սկսել է աճել 2008 թվականի ֆինանսական ճգնաժամից հետո:
Բարաք Օբամայի պաշտոնավարման տարին ԱՄՆ-ի պետական պարտքն աճեց՝ 10.6 տրլն դոլարից հասնելով 19.9 տրիլիոնի, ինչն ընդդիմադիր հանրապետականների կողմից կտրուկ քննադատության արժանացավ: 2016 թվականի գարնանը դեռևս նախագահի թեկնածու Դոնալդ Թրամփը խոստացավ ութ ամսվա ընթացքում վերացնել պետական պարտքը:
Թրամփի պաշտոնավարման սկզբում պետպարտքն իսկապես սկսեց կրճատվել, սակայն 2018 թվականին նորից սկսեց աճել՝ 2017 թվականի վերջին հայտարարված հարկային բարեփոխումների պատճառով:
