03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Փաշինյանը՝ վարկով ջիպ առնելու ու հարսանիք անելու հետևանքների մասին. ՏԵՍԱՆՅՈՒԹ
Հասարակություն
13.02.2019 | 11:06
Կառավարության ղեկավար Նիկոլ Փաշինյանի համոզմամբ՝ մեր բանկային համակարգում այժմ կա այնպիսի մի ֆենոմեն, որն, իր համոզմամբ՝ պոզիտիվ է: «Բանկը քաղաքացուն հրավիրում է և ասում՝ արի վարկ տամ, տար քո մյուս վարկը մարի, իսկ ես քեզ առաջարկում եմ ցածր տոկոսով վարկ, իսկ դա նշանակում է, որ քաղաքացու վարկային բեռը թեթևանում է»,- ասաց Փաշինյանը՝ նշելով, որ քաղաքացու բանկային ծանրաբեռնվածությունը մեղմելու համար նաև Կառավարությունն իրականացնում է սուբսիդավորում գյուղատնտեսական և հիպոտեկային վարկերի համար։
Ըստ Փաշինյանի՝ բանկային տոկոսները Հայաստանում շարունակաբար նվազելու են և արդեն իսկ նվազել են։ Վարչապետը նաև նշեց, որ ԿԲ-ի հետ պայմանավորվածություն է ձեռք բերվել, միկրոբիզնեսի համար առանձնացվի նոր վարկային պորտֆել։ Նիկոլ Փաշինյանը նաև կարևորեց քաղաքացիների վարկային գրագիտության ավելացումը՝ վերցված վարկերի արդյունավետ օգտագործման համար։
«Մենք երևույթներ ունենք, երբ քաղաքացին գյուղվարկով ջիպ ա առնում, հաջորդ օրը տանում խփում է պատին ու դրանով ամեն ինչն ավարտվում է, կամ բիզնես վարկով հարսանիք են անում»,- օրինակներ բերեց Փաշինյանը՝ նշելով, որ քաղաքացիները պետք է հստակ գիտակցեն բանկի հետ գործարքի մեջ մտնելու օգուտները, ռիսկերն ու վտանգները։
Մանրամասները՝ տեսանյութում։
Աղավնի Սուքիասյան
