17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Հեղափոխությունից հետո 30 հազար աշխատատեղ ստվերից լեգալ դաշտ է եկել․ Նիկոլ Փաշինյան. ՏԵՍԱՆՅՈՒԹ
Տնտեսություն
13.02.2019 | 10:31
Ազգային ժողովում այսօր՝ փետրվարի 13-ին, շարունակվում է Կառավարության ծրագրի քննարկումը, որի շրջանակում վարչապետ Նիկոլ Փաշինյանը պատասխանում է պատգամավորների հարցերին։
Խորհրդարանի ԲՀԿ խմբակցության պատգամավոր Արտյոմ Ծառուկյանը վարչապետից հետաքրքրվեց՝ նրա վարչապետության ընթացքում ի՞նչ արդյունք է արձանագրել Կառավարությունը ստվերի դեմ պայքարի հարցում։
«Միայն անցյալ տարի՝ հեղափոխությունից հետո մի քանի ամսվա ընթացքում, 30 հազար աշխատատեղ ստվերից եկավ լեգալ դաշտ, և այդ գործընթացը շարունակվում է»,- ի պատասխան պատգամավորի հարցի՝ ասաց վարչապետը։
Անդրադառնալով Հարկային օրենսգրքի փոփոխություններին՝ մասնավորապես այն կետին, ըստ որի՝ իրավաբանական, հաշվապահական, խորհրդատվական ծառայություններ մատուցողների համար 4-6 անգամ հարկերը առաջարկվում է ավելացնել, վարչապետը նշեց, որ այս փուլում Կառավարությունը որոշել է այդ վիճահարույց դրույթը հանել օրենսգրքից, որովեհտև այսօր ՊԵԿ-ը չունի դրա ծրագրային ապահովման մեխանիզմը՝ այն կիրառելու համար։
«Կստացվի՝ մենք մեր քաղաքացիների հետ անիմաստ կկռվենք, բայց լծակ չենք ունենա օրենքի այդ կետն ապահովելու համար»,- նշեց Փաշինյանը։
Մանրամասները՝ տեսանյութում:
Աղավնի Սուքիասյան
