03.04.2026 | 21:15
Արագ, պարզ, հասանելի․ «ՄՈԳՈ»-ն նոր մասնաճյուղ բացեց Mega Mall-ում
Արմեն Գրիգորյանն ընդունել է ԶՈՒ ժողովրդավարական վերահսկման Ժնևի կենտրոնի պատվիրակությանը
Քաղաքականություն
12.02.2019 | 21:00
Փետրվարի 12-ին ԱԽ քարտուղար Արմեն Գրիգորյանը ընդունել է Զինված ուժերի ժողովրդավարական վերահսկման Ժնևի կենտրոնի պատվիրակությանը։ Այս մասին հայտնում են ՀՀ ԱԽ հասարակայնության հետ կապերի և տեղեկատվության վարչությունից:
Ողջունելով պատվիրակության անդամներին՝ քարտուղարը ներկայացրել է Անվտանգության խորհրդի և ԱԽ գրասենյակի գործունեությունը՝ միաժամանակ կարևորելով անվտանգության ոլորտում ժողովրդավարական հաստատությունների դերակատարության նշանակությունը, ոլորտի բարեփոխումների համատեքստում ժողովրդավարության և թափանցիկության սկզբունքների կիրարկման անհրաժեշտությունը։
Անդրադառնալով ազգային անվտանգության նոր ռազմավարության մշակման առաջիկա գործընթացին՝ Ա․Գրիգորյանը վերահաստատել է այդ աշխատանքներում Խորհրդարանի և քաղաքացիական հասարակության ներգրավվածության վերաբերյալ դիրքորոշումը։
Անդրադարձ է կատարվել նաև խորհրդարանական վերահսկողության մեխանիզմների իրացման ու ուժային կառույցների հաշվետվողականության բարձրացմանը վերաբերող մի շարք հարցերի։
