16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Դեսպան Բաղդասարյանի հանդիպումը Ալ-Ահմադիի նահանգապետի հետ
Քաղաքականություն
12.02.2019 | 18:27
Փետրվարի 12-ին Քուվեյթում ՀՀ դեսպան Սարմեն Բաղդասարյանը հանդիպեց Քուվեյթի Պետության Ալ-Ահմադի նահանգի նահանգապետ, Շեյխ Ֆաուազ Ալ-Խալեդ Ալ-Համադ Ալ-Սաբահի (Sheikh Fawaz Khaled Al-Hamad Al-Sabah) հետ:
Նահանգապետ Ալ-Սաբահը ողջունեց ՀՀ դեսպանին և գոհունակություն հայտնեց այցելության կապակցությամբ։ Նահանգապետը համառոտ տեղեկություն տրամադրեց Ալ-Ահմադի նահանգի վերաբերյալ՝ պատրաստակամություն հայտնելով հայկական համապատասխան տարածքային միավորի հետ համագործակցել։
Շնորհակալություն հայտնելով ջերմ ընդունելության և նահանգի վերաբերյալ ստացած տեղեկության համար` դեսպան Բաղդասարյանը վստահեցրեց, որ իր համար շատ հաճելի է ծանոթությունը Ալ-Ահմադի նահանգին և անձամբ նահանգապետին՝ ընդգծելով, որ մոտ ապագայում երկկողմ համագործակցության գործնական քայլեր կատարելու հնարավորություններ է տեսնում։
Այդ համատեքստում զրուցակիցները մտքեր փոխանակեցին երկուստեք հետաքրքրություն ներկայացնող փոխգործակցային հարցերի շուրջ։
