10.06.2026 | 20:13
Վալերի Ծառուկյանը հեռացել է «Ախմատից»
Կառավարությունը 70 մլն դոլարի ներդրումային ծրագիր է քննարկում. ՀՀ վարչապետ. ՏԵՍԱՆՅՈՒԹ
Տնտեսություն
12.02.2019 | 17:38
Ազգային ժողովի «Լուսավոր Հայաստան» խմբակցության պատգամավոր Գևորգ Գորգիսյանն այսօր Կառավարության ղեկավար Նիկոլ Փաշինյանից հետաքրքրվեց արդյո՞ք քննարկում են Հայաստանում դեղերի ներմուծման շուկայում զուգահեռ ներկրումների հնարավորություն ստեղծելու հարցը։ Ըստ պատգամավորի՝ ԵԱՏՄ-ի մեր գործընկերները հայկական շուկայից դուրս են մղում մսամթերքը, գյուղմթերքը, դեղորայքը:
Նիկոլ Փաշինյանը նշեց, որ կա տեսակետ, որ դեղերի շուկայում պետք է զուգահեռ ներկրումների հնարավորություն ստեղծվի, ինչը կբերի դեղերի շուկայում գների անկման:
«Այս փաստարկը մենք լրջորեն կքննարկենք: Եվ եթե պարզվի, որ դրա արդյունքում մեր սպառողների շահերը գնային և որակային առումով օգուտ են ստանում, մենք, հնարավոր է, որ գնանք այդպիսի քայլերի»,-ասաց վարչապետ:
Կառավարության ղեկավարը նշեց, որ այսօր Կառավարությունը քննարկում է 20 մլն դոլար և 50 մլն դոլար արժեցող ներդրումային ծրագրեր դեղագործության ոլորտում, և պատգամավորի ահազանգը կընդունի ի գիտություն՝ փորձելով պարզել՝ ինչի՞ մասին է խոսքը։
Մանրամասները՝ տեսանյութում։
