02.07.2026 | 21:36
BP-ն Բաքու-Թբիլիսի-Ջեյհանի կառավարումը փոխանցել է ադրբեջանական SOCAR-ին
Ասում են՝ խաղա, շահիր, բայց լոմբարդներում ոսկեղեն են դնում կամ ինքնասպան լինում. Հրաչյա Հակոբյան. ՏԵՍԱՆՅՈՒԹ
Հասարակություն
12.02.2019 | 17:40
ԱԺ պատգամավոր, «Իմ քայլը» խմբակցության անդամ Հրաչյա Հակոբյանի օրենսդրական նախագիծն աղմուկի առիթ է դարձել: Պատգամավորն առաջարկում է փոփոխություններ կատարել «Գովազդի մասին» ՀՀ օրենքում, որի արդյունքում լրատվամիջոցները պետք է որոշակի սահմանափակումների ենթարկվեն վիճակախաղերի, տոտալիզատորների, շահումային խաղերի վերաբերյալ գովազդների տեղադրման կամ հեռարձակման հարցում։
Օրենքի նախագծի հետ կապված լրատվամիջոցների ղեկավարները մտահոգված են, թե Հակոբյանի առաջարկած փոփոխություններն ազդելու են իրենց եկամուտների վրա. «Լրատվամիջոցների կողմից պատերազմ հայտարարվեց իմ դեմ: Նրանք կամ չեն ընկալում ինչի մասին է օրենքը, կամ ուղղակի պետք է, որ ներկայացնեն, թե օրենքը լրատվամիջոցների դեմ է: Օրենքի նպատակն է, որ հնարավորինս քիչ խրախուսվի խաղամոլությունը»:
Հարցին՝ կան ուսումնասիրություններ, թե այս օրենքի փոփոխությունը որքանով է նպաստելու, որ խաղամոլությունը նվազի, Հրաչյա Հակոբյանն ասաց. «Ես չեմ կարող ասել, թե ինչքանով կնվազի, բայց կարող եմ ասել, որ երիտասարդները քիչ կտեսնեն շահագրգռող այդ գովազդները, որտեղ ասում են՝ գրանցվիր, խաղա, շահիր, մի աշխատիր: Բոլորս էլ գիտենք, թե խաղամոլության պատճառով ինչեր են լինում: Լոմբարդներում ոսկեղեն են դնում, մինչև անգամ ինքնասպանություններ են լինում»:
Հրաչյա Հայկոբյանը Factor TV-ի հետ զրույցում նշեց, որ օրենքը լրատվամիջոցների դեմ չէ, քանի որ օրենքով սահմանվելու են հատուկ ժամեր, երբ կցուցադրվեն նման գովազդներ: «Պետք է ժամ սահմանվի, որ այդ ժամից դուրս իրավունք չլինի գովազդը հեռարձակելու»,- նշեց պատգամավորը:
Հրաչյա Հակոբյանի հեղինակած օրենքի նախագիծը քննարկվել է «Իմ քայլը» խմբակցությունում: Պատգամավորն ասում է, որ նախագիծին և դեմ արտահայտվողներ են եղել, և կողմ: «Իրենք որոշ հարցեր ունեն, որոնք պետք է պարզաբանվեն, ես կփորձեմ պարզաբանել»:
Մանրամասները՝ տեսանյութում:
