18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
ԱՄՆ-ի գլխավորած կոալիցիայի ավիահարվածների հետևանքով տասնյակ խաղաղ բնակիչներ են զոհվել և վիրավորվել
Քաղաքականություն
12.02.2019 | 17:32
Սիրիայում ԱՄՆ-ի գլխավորած միջազգային կոալիցիայի ավիահարվածների հետևանքով առնվազն 70 խաղաղ բնակիչ է զոհվել և վիրավորվել: Հարվածներ են հասցվել Բաղուզ գյուղում փախստականների ճամբարի ուղղությամբ: ՏԱՍՍ-ի փոխանցմամբ՝ այս մասին Սիրիայի պետական հեռուստատեսությանը հայտնել են տեղական աղբյուրները:
Նշվում է, որ Բաղուզը տեղակայված է Դեր Զոր նահանգի հարավ-արևելքում: Նախօրեին սիրիական լրատվամիջոցները հաղորդել էին 20 զոհի մասին: Ikhbariya հեռուստաալիքն իր հերթին հաղորդում է, որ բազմաթիվ մարդիկ ողջ-ողջ այրվել են ավտոմեքենաների մեջ, երբ փորձել են փրկվել ահաբեկիչներից:
Անցյալ շաբաթ SDF արաբա-քրդական ջոկատները հայտարարել էին գործողություն սկսելու մասին, իրենց խոսքով՝ Սիրիայի վերջին գյուղն «Իսլամական պետության» զինյալներից մաքրելու համար:
SDF-ը գործում է ԱՄՆ-ի գլխավորած կոալիցիայի ավիացիոն աջակցությամբ: Տեղական լրատվամիջոցները պարբերաբար հաղորդում են նրանց գործողությունների հետևանքով խաղաղ բնակիչների զոհվելու մասին:
