10.06.2026 | 20:13
Վալերի Ծառուկյանը հեռացել է «Ախմատից»
ՊՆ-ն չի պատրաստվում կոծկել. Դավիթ Տոնոյանը՝ զինծառայողի մահվան լուրը թաքցնելու մասին. ՏԵՍԱՆՅՈՒԹ
Հասարակություն
12.02.2019 | 16:18
Պաշտպանության նախարարությունը չի պատրաստվում ո՛չ ծածկել, ո՛չ կոծկել զինծառայողների մահվան դեպքերը, և դա չի արել տարիներ շարունակ: Փետրվարի 12-ին տեղի ունեցած ասուլիսում հավաստեց ՀՀ պաշտպանության նախարար Դավիթ Տոնոյանը՝ պատասխանելով զինծառայողի մահվան լուրը չհայտնելու մասին լրագրողի հարցին:
«Մենք ծառայողական քննություն ենք իրականացնում՝ պարզելու համար, թե դա ինչի հետ է կապված եղել: Հաշվի առնելով այն, որ դեպքը կապված չի եղել ծառայության հետ, մենք, այսպես ասած, մեծ ուշադրություն չենք դարձրել այդ խնդրին»,- հավելեց Տոնոյանը:
Ըստ նախարարի՝ նման տեղեկությունները թաքցնել հնարավոր չէ. «Որովհետև վիճակագրությունը խաչմերուկային է իրականացվում. դուք ստանում եք տեղեկություններ և՛ հանրապետության դատախազությունից, և՛ ՀՔԾ-ից, ինչպես նաև պաշտպանության նախարարությունից: Հնարավոր չէ որևէ բան կոծկել: Բայց ես չեմ կարծում, միաժամանակ, որ անհրաժեշտ է ծառայության հետ չկապված, նախաքննության փուլում գտնվող դեպքերի վերաբերյալ անընդհատ բարձրաձայնել»:
Մանրամասները՝ տեսանյութում:
