18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Հայաստանում ձերբակալված թուրք լոբբիստին ԱՄՆ-ում «ծիծաղելի» մեղմ դատավճիռ է ներկայացվել
Քաղաքականություն
12.02.2019 | 14:12
ԱՄՆ քաղաքացի, ազգությամբ թուրք Քևին Օքսուզը, որը նախկինում Ադրբեջանի շահերի լոբբինգով է զբաղվել, այսօր դատավճռի է արժանացել․ այս մասին տեղեկանում ենք ԱՄՆ-ում Հայ դատի հանձնախմբի կայքից։
ԱՄՆ դատարանը նրան դատապարտել է 3 ամիս և մեկ շաբաթ ազատազրկման, որից 3 ամիսը նա արդեն անցկացրել է Հայաստանում, ինչպես նաև ևս մեկ շաբաթ՝ ԱՄՆ-ում: Օքսուզին նաև 20 հազար դոլար տուգանք է ներկայացվել։
«Ծիծաղելի մեղմ կալանքը սխալ ուղերձ է ԱՄՆ-ի քաղաքական գործընթացին միջամտելու՝ արտասահմանյան պետությունների մտադրությանը», – նշել է ԱՄՆ-ում Հայ դատի հանձնախմբի գործադիր տնօրեն Արամ Համբարյանը:
Օքսուզը մեղադրվում է կեղծարարության սխեմայի պատրաստման, Էթիկայի կոմիտեից էական փաստեր թաքցնելու, ինչպես նաեւ Կոնգրեսին՝ Ադրբեջանի հետ իր կապերին վերաբերող կեղծ վկայություններ ներկայացնելու համար։
Տեղեկություններ կան, որ Օսքուզի ձերբակալման գործով վկայագիր նաև Թուրքիան է հրապարակել՝ նախագահ Էրդողանի դեմ պայքարին նրա ենթադրյալ մասնակցության համար։
Հիշեցնենք, որ Քեմալ Օսքուզը ձերբակալվել էր այս տարվա օգոստոսին: Ոստիկանության մամուլի ծառայությունը հայտնել էր, որ Թուրքիայի քաղաքացին բնակություն էր հաստատել Հայաստանում և ՍՊԸ հիմնել:
Անցյալ տարվա վերջին նա արտահանձնվել էր ԱՄՆ-ին:
Նելլի Մելքոնյան
