28.09.2026 | 15:20
Ալեն Սիմոնյանն ու Լիտվայի դեսպանը քննարկել են Հայաստան–ԵՄ հարաբերություններն ու տարածաշրջանային զարգացումները
Սահմանի վերաբերյալ համաձայնությունը կարող է կանխել ԱՄՆ կառավարության հերթական պարապուրդը
Քաղաքականություն
12.02.2019 | 13:57
ԱՄՆ-ում դեմոկրատները և հանրապետականները համաձայնության են եկել անվտանգության սահմանի կառուցումը ֆինանսավորելու հարցում։ Սա կարող է կանխել կառավարության հերթական մասնակի պարապուրդը․ հայտնում է BBC-ն։
Համաձայնագրի մեջ նշվում է նախագահ Թրամփի պահանջած գումարի միայն մի մասը և չի նշվում սահմանին կառուցվող բետոնե պատնեշի մասին։
Համաձայնագիրը դեռ Կոնգրեսի հաստատման կարիքն ունի, որից հետո նախագահը կստորագրի այն։
Այդուհանդերձ, Թրամփը հստակ կարծիք չի հայտնել այն մասին, թե արդյոք սատարում է համաձայնագրի կնքմանը։
«Ամեն դեպքում մենք կառուցելու ենք այդ պատը»,- ընդգծել է ԱՄՆ նախագահը։
Հիշեցնենք, որ դեմոկրատները, որոնք այժմ ղեկավարում են Ներկայացուցիչների պալատը, մերժել են 5․7 մլրդ դոլար տրամադրել Դոնալդ Թրամփին՝ Մեքսիկայի հետ սահմանին պատ կառուցելու համար։
Արդյունքում, 35 օր շարունակ ԱՄՆ կառավարությունը հարկադիր պարապուրդի մեջ էր՝ տնտեսությանը շուրջ 11 մլրդ դոլարի վնաս հասցնելով։
Նելլի Մելքոնյան
