15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Մեր Կառավարությունը դատական իշխանության անկախությանը հասնելու առումով հասել է աննախադեպ հաջողության. ՏԵՍԱՆՅՈՒԹ
Հասարակություն
12.02.2019 | 12:53
Հայաստանի Հանրապետությունում վերջին ամիսներին՝ հեղափոխությունից հետո, հակակոռուպցիոն բավականին լայն պայքար է ընթացել: Փետրվարի 12-ին ՀՀ Ազգային ժողովում ունեցած ելությում վստահեցրեց վարչապետ Նիկոլ Փաշինյանը:
Սակայն, ըստ վարչապետի, ՀՀ-ում օպերատիվ-հետախուզական գործունեություն իրականացնող մարմինները, քննչական մարմինները կարիք ունեն ապացուցելու իրենց առավել մեծ գործունակությունը կոռուպցիայի դեմ պայքարի ոլորտում:
«Որովհետև ես կարծում եմ, որ հետհեղափոխական ոգևորությունից հետո հակակոռուպցիոն պայքարն ու բացահայտումների մակարդակը որոշակի տեղապտույտների վիճակում է հայտնվել»,- հավելեց նա:
Իսկ տնտեսական միջավայրի բարելավման առումով, ըստ վարչապետի, չափազանց կարևոր է անկախ դատական համակարգի կայացումը. «Եվ ուզում եմ ասել հետևյալը. տեսեք՝ շատ խոսում են ծրագրային դրույթների մասին, թե ինչ է գրված և ինչպես է գրված որևէ ծրագրում: Բայց կարող եմ միանշանակ ասել, որ մեր Կառավարությունն իր գործունեության վերջին 10 ամսվա ընթացքում դատական իշխանության անկախությունն ապահովելու առումով հասել է աննախադեպ հաջողությունների»:
Մանրամասները՝ տեսանյութում:
