10.08.2026 | 19:24
20 հազարից ավելի խախտում՝ մեկ շաբաթում․ պարեկային ծառայության արդյունքները
Լեզվակռիվ Դավիթ Խաժակյանի ու Հայկ Մարությանի միջև՝ Ավանի թաղապետի տեղակալի նշանակման համար. ՏԵՍԱՆՅՈՒԹ
Տեսանյութեր
12.02.2019 | 12:22
Երևանի քաղաքապետարանի ավագանու այսօրվա նիստում «Լույս» խմբակցության ղեկավար Դավիթ Խաժակյանը ելույթով հանդես եկավ, նախ քաղաքապետ Հայկ Մարությանից ճշտելով, թե Ավան վարչական շրջանի ղեկավարի տեղակա՞լ է հանդիսանում Սամվել Ղումաշյանը: Դրական պատասխան ստանալուց հետո Խաժակյանն ասաց․ «Ի դեպ, պարոն Ղումաշյանի կենսագրականը, քանի որ հանվել է կայքից, ես կհիշացնեմ 2017 թվականի մայիսը, երբ «Ելք»դաշինքը մասնակցում էր Երևանի ավագանու ընտրություններին: Այդ անձը իրականացնում էր ամբողջ գործընթացն, որը դարձել էր ՀՀԿ-ի գործելաոճը, նա տիպային կերպար է ինձ համար: Այդ ամենը փաստաթղթավորված է, անձամբ եմ ցուցմունք տվել: Չէի մտածում, որ կշարունակի գործել նույն իշխանության օրոք»:
Դավիթ Խաժակյանի խոսքով՝ ինքը այդ հարցով դիմել է նաև Ավանի ներկայիս թաղապետին, սակայն վերջինս հերքել է, որ իր տեղակալը ներգրավված է եղել ՀՀԿ-ի կազմակերպած ընտրություններին:
Հիշեցնենք, որ Սամվել Ղումաշյանի՝ Ավանի թաղապետի տեղակալի պաշտոնում մնալուն առաջինն անդրադարձել էր Factor.am-ը՝ հայտնելով, որ հեղափոխության օրերին սկանդալի կիզակետում հայտնված պաշտոնյան շարունակում է պաշտոնավարել։
Մանրամասները՝ տեսանյութում։
Լիլիթ Շաբոյան
