10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
Պայմանագրային զինծառայողի ուղղությամբ ծառայակիցն է կրակել. ՔԿ-ն մանրամասներ է հաղորդում
Հասարակություն
12.02.2019 | 11:02
Փետրվարի 11-ին ՀՀ Պաշտպանության նախարարության զորամասերից մեկի պահպանության տեղամասում պայմանագրային զինծառայող Մեսրոպ Գրիգորյանի ուղղությամբ կրակել է ծառայակիցը:
Factor.am-ի հետ զրույցում այս մասին տեղեկացրեցին ՀՀ Քննչական կոմիտեի մամուլի խոսնակ Նաիրա Հարությունյանը: Նա նշեց նաև, որ գործով կասկածյալ կա:
Ավելի վաղ տեղեկացրել էինք, որ ՀՀ ԶՈՒ զորամասերից մեկի պահպանության տեղամասում հրազենային վիրավորումից մահացել է զինծառայող, պայմանագրային Մեսրոպ Ռուբիկի Գրիգորյանը՝ ծնված 1985 թվականին: Նախնական տեղեկությունների համաձայն՝ ժամկետային զինծառայող, շարքային Ա.Կ.-ն, ավագ լեյտենանտ Մեսրոպ Ռուբիկի Գրիգորյանին ապօրինաբար կյանքից զրկելու դիտավորությամբ, իրեն ամրակցված գնդացրից կրակահերթ է արձակել վերջինի ուղղությամբ: Ստացած մարմնական վնասվածքներից Մեսրոպ Գրիգորյանը մահացել է:
Դեպքի առիթով ՀՀ քննչական կոմիտեի ԶՔԳՎ ութերորդ կայազորային քննչական բաժնում քրեական գործ է հարուցվել՝ ՀՀ քրեական օրենսգրքի 104-րդ հոդվածի 1-ին մասով: Անհրաժեշտ քննչական և դատավարական գործողություններ են իրականացվում՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ:
