18.01.2026 | 18:39
Մակրոնը կոչ է արել ԵՄ-ին պատասխանել ԱՄՆ-ին «առևտրային բազուկայով»
Ծրագիրն ուսումնասիրելուց հետո կան հարցադրումներ, հստակեցումների անհրաժեշտություն եմ տեսնում. Լիլիթ Մակունց. ՏԵՍԱՆՅՈՒԹ
Քաղաքականություն
11.02.2019 | 19:15
Քիչ առաջ ավարտվեց «Իմ քայլը» խմբակցության նիստը, որի ընթացքում քննարկվել է կառավարության ծրագիրը: Այս մասին լրագրողների հետ զրույցում ասաց խմբակցության ղեկավար Լիլիթ Մակունցը. «Ծրագիրն ուսումնասիրելուց հետո առաջացել են հարցադրումներ, որը վաղը կբարձրաձայնենք, կուղղվեն կառավարությանը»:
Մեր հարցին, թե խմբակցությունն ինչպես է քվեարկելու, հնարավոր է, որ ազատ թողնվի, Մակունցը պատասխանեց, որ նման քննարկում չի եղել: Դիտարկմանը՝ նիստի ժամանակ քննադատություններ հնչելու են, քանի որ «Իմ քայլի» պատգամավորները նշում էին, որ իրենք են լինելու կառավարության ընդդիմությունը, խմբակցության ղեկավարն ասաց. «Վաղն ամեն ինչ պարզ կլինի, թե ով ինչ հարցեր ունի: Մի բանում վստահ եմ, որ եթե կան հարցադրումներ, որոնք հստակ չեն մեզ համար՝ հնչեցվելու են: Ինձ համար շատ մտահոգիչ հարցեր չկան, որովհետև ծրագիրը դրական եմ համարում, բայց հստակեցման անհրաժեշտություն եմ տեսնում»:
Մանրամասները՝ տեսանյութում:
