11.12.2024 | 19:36
Թուրքական TRT-ի լրագրողները սիրիական Մանբիջում քրդերի կողմից ԱԹՍ-ի հարձակման են ենթարկվել
Մանվել Գրիգորյանն այն վիճակում չէ, որ հիվանդանոցից տեղափոխեն կալանավայր․ փաստաբան
11.02.2019 | 17:26
ԱԺ նախկին պատգամավոր, գեներալ Մանվել Գրիգորյանը փետրվարի 8-ին տեղափոխվել էր «Նաիրի» բժշկական կենտրոն՝ հետազոտման։ Նա մինչև այսօր գտնվում է հիվանդանոցում։ Factor.am-ի հետ զրույցում Գրիգորյանի պաշտպաններից Արսեն Մկրտչյանն ասաց, որ Մանվել Գրիգորյանի առողջական վիճակը լավ չէ և նման վիճակում նրան չեն կարող տեղափոխել կալանավայր․ «Դատախազությունն ու վարույթն իրականացնող մարմինը պետք է թողնեն ՀՀ քաղաքացին շատ չխոշտանգվի։ Փաստաբանական խումբը միշտ հայտարարել է, որ Մանվել Գրիգորյանի առողջական վիճակը վատթարացել է կալանք կրելու ընթացքում։ Չլիներ կալանքը, չէր լինելու ինսուլինից կախվածություն, չէր լինելու տասնյակ հիվանդությունների աճը։ Կալանավայրում չկան միջոցներ, որպեսզի մահացու հիվանդությունները մնան գոնե այն վիճակին, որին որ եղել են մինչև կալանքը»։
Թե դեռ որքան կշարունակի Մանվել Գրիգորյանը մնալ քաղաքացիական հիվանդանոցում հայտնի չէ։
Հիշեցնենք, որ նա դեկտեմբերի 21-ին, 25 միլիոն գրավի դիմաց ազատ էր արձակվել։ Մանվել Գրիգորյանը մեղադրվում է ապօրինի կերպով ռազմամթերք ձեռք բերելու և պահելու, ինչպես նաև առանձնապես խոշոր չափերով գույք հափշտակելու համար։ Գրիգորյանին պատկանող տարածքներում Ազգային անվտանգության ծառայությունը հայտնաբերել էր «զինվորի բաժին» նշագրումով սնունդ, նաև 2016 թվականի ապրիլյան քառօրյա պատերազմի օրերին առաջնագիծ ուղարկվելիք այն արկղերը, որոնք լի էին հիգիենիկ պարագաներով, դեղորայքով, զինվորական հանդերձանքով, իսկ դրանցից որոշներում դեռ մնացել էին զինվորներին հասցեագրված դպրոցականների նամակները։ Մանվել Գրիգորյանը կալանավորվել էր այս տարվա հունիսին։
Լիլիթ Շաբոյան
