28.04.2026 | 18:35
Ադրբեջանի հետ հարաբերությունների կարգավորում, բանակը` անվտանգության երաշխիք․ ինչ է առաջարկում ԲՀԿ-ն․ ՏԵՍԱՆՅՈՒԹ
Այս իրավիճակը մեզ դնում է անհարմար խնդրի առաջ. Բորիս Նավասարդյանը՝ ՀՀՌ խորհրդի թափուր տեղերի համալրման մասին. ՏԵՍԱՆՅՈՒԹ
Տեսանյութեր
11.02.2019 | 16:40
Շատ ողջունելի է, որ Հեռուստատեսության և ռադիոյի հանձաժողովը որոշեց ներառական գործընթաց ապահովել, բայց մենք չենք ցանկանում, որ շարունակվի այն ոճը, երբ ամեն ինչ որոշվում էր վերևում: Հանրային հեռուստառադիոընկերության խորհրդում առաջացող թափուր տեղի համալրման խնդիրների թեմայով փետրվարի 11-ին հրավիրված ասուլիսում այս մասին ասաց Երևանի մամուլի ակումբի նախագահ Բորիս Նավասարդյանը:
«Այդպիսի ռիսկեր տեսնում ենք: Հիմա գործընթացներ են լինում, որ ցույց են տալիս, որ ոչինչ չի փոխվել»,- հավելեց նա:
Նավասարդյանի խոսքով՝ վերջերս անհարմար խնդրի առջև են կանգնել: ՀՌՀ-ն, նրա հավաստմամբ, վերջին ամիսներին մի դիրքորոշում է ընդունել, որ «դա մեր գործընթացն է, ում կցանկանանք, նրան էլ կներկայացնենք»:
Նշենք, որ Հեռուստատեսության եւ ռադիոյի հանձնաժողովն առաջարկել է հինգ անդամից բաղկացած անկախ մրցութային հանձնաժողով ստեղծել, որը կզբաղվի Հանրային հեռուստառադիոընկերության խորհրդի անդամների և նախագահի ընտրություններով: Գործընթացի թափանցիկությունը, սակայն, կասկածներ է հարուցել:
Մանրամասները՝ տեսանյութում:
