23.04.2026 | 18:48
Եթե իշխանափոխության համոզմունք չունենայինք, ռեսուրս ու էներգիա չէինք ծախսի. Հակոբ Կարապետյան. ՏԵՍԱՆՅՈՒԹ
Նախկինում նման նախադեպեր ես չեմ հիշում. Անդրանիկ Քոչարյանը՝ զինծառայողի ինքնասպանության դեպքը թաքցնելու մասին. ՏԵՍԱՆՅՈՒԹ
Հասարակություն
11.02.2019 | 16:19
Հանձնաժողովը և ես այդ հարցն առաջնահերթ կուսումնասիրենք: Այս մասին լրագրողների հետ զրույցում ասաց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով պայմանագրային զինծառայողի ինքնասպանության դեպքը ՊՆ-ի կողմից չհանրայնացնելուն:
«Կհասկանանք, թե ինչ մեխանիզմների բացակայությունն էր, որ այսպիսի անորոշություն առաջացավ: Նախկինում եթե ուշանում էր՝ մեկ-երկու օր, մեր պաշտպանական գերատեսչությունը տեղյակ պահում էր կորուստների մասին: Այստեղ ինչ-որ մեկը, եթե թերացել է, ապա հանձնաժողովը հետամուտ կլինի դա բացահայտելու համար, բայց այստեղ արտառոց մի թաքցնելու բան չկար: Բացատրություն տրվել է, եթե չի տրվել, ապա մենք հանձնաժողովով անպայման կուսումնասիրենք»,- ասաց հանձնաժողովի նախագահը:
Անդրանիկ Քոչարյանը լրագրողների հետ զրույցում տեղեկացրեց, որ ինքն էլ է այդ դեպքի մասին լրատվամիջոցներից տեղեկացել: Factor.am-ի դիտարկմանը՝ սա վատ նախադեպ չի՞ դառնա, Անդրանիկ Քոչարյանը պատասխանեց, որ այս դեպքը երբեք նախադեպ չի դառնա. «Նախկինում նման նախադեպեր ես չեմ հիշում, իսկ հիմա, եթե այսպիսի մի բան է եղել, պետք է հասկանանք պատճառները: Որպեսզի նախադեպ չդառնա։ Բա հանձնաժողովն ինչի՞ համար է»:
Հիեցնենք, որ 2019 թվականի հունվարի 1-ին՝ ժամը 04:00-ի սահմաններում, ՀՀ ՊՆ N զորամասի մարտական դիրքի պահպանության տեղամասում կրծքավանդակի շրջանում ստացած հրազենային վնասվածքով հայտնաբերվել է նույն զորամասի պայմանագրային զինծառայող Էդգար Էդուարդի Գրիգորյանը: Նա տեղափոխվել է Մեղրի ԲԿ, որտեղ ժամը 08:10-ին մահացել է: ՊՆ-ից հայտնել են, որ դեպքի առթիվ Քննչական կոմիտեում հարուցվել է քրեական գործ ՀՀ ՔՕ-ի 110-րդ հոդվածի 1 մասով՝ ինքնասպանության հասցնելը: Դեպքի մասին ՊՆ-ն մամուլի հաղորդագրություն չի տարածել: Դեպքը հասարակությանը հասանելի է եղել մեկ ամիս անց՝ լրատվամիջոցների հրապարակումներից:
Մանրամասները՝ տեսանյութում:
