16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Մարտի 1-2-ի իրադարձություններն ամբողջությամբ բացահայտելու քաղաքական պատվեր կա. Անդրանիկ Քոչարյան. ՏԵՍԱՆՅՈՒԹ
Քաղաքականություն
11.02.2019 | 15:41
ԱԺ պաշտպանության և անվտանգության հարցերի հանձնաժողովի նախագահ, Մարտի 1-ի գործով փաստահավաք խմբի անդամ Անդրանիկ Քոչարյանն այն համոզմունքին է, որ 2008 թվականի մարտի 1-2-ի իրադարձություններն ամբողջությամբ բացահայտելու «քաղաքական պատվեր կա»:
«Նախկինում կար կոծկելու քաղաքական պատվեր, այսօր Մարտի 1-ի գործով կա ամբողջությամբ բացահայտելու քաղաքական պատվեր: Պատվեր բառը լավ չի հնչում, բայց սա բացառիկ հնարավորություն է, որ մեր իրավապահ համակարգը, որին տարիներ շարունակ օգտագործել են անօրինական գործողությունների շրջանակում, փչացրել են շատ պատասխանատու պաշտոնյաների, այդ խնդիրը հիմա պետք է լուծի»,-լրագրողների հետ զրույցում ասաց Քոչարյանը:
Անդրադառնալով այն հարցին, որ այդ գործի շրջանակներում հարցաքննվել են նաև առաջին և երրորդ նախագահները, Անդրանիկ Քոչարյանն ասաց. «Նախագահները եթե ասելիք ունեն, բնականաբար պետք է հարցաքննվեն: Կարծում եմ՝ ձեզ բոլորիդ պետք է ուրախացնի այն փաստը, որ չհարցաքննվող պաշտոնյա չկա: Ես նորից պետք է դիմեմ այն պաշտոնյաներին, որոնք տիրապետում են ծավալուն տեղեկության այս հարցի ամբողջական բացահայտման համար, որովհետև այլևս թաքցնելու ոչինչ չի լինելու, թող գան շուտ աջակցեն նախաքննական մարմնին»:
Դիտարկմանը՝ եթե առանցքային որոշ պաշտոնյաներ Հայաստանի սահմաններից դուրս են գտնվում, Մարտի 1-ի ամբողջական բացահայտում կարո՞ղ է լինել, Քոչարյանն ասաց. «Առանցքային ներկայացուցիչներն իրենք էլ արդեն հոգեբանորեն գիտակցում են, որ իրենց՝ երկրի սահմաններից դուրս գտնվելն անիմաստ է: Խոսքը վերաբերում է թե՛ պաշտպանության նախկին նախարարին, թե՛ նախաքննությունն իրականացրած Վահագն Հարությունյանին: Չգիտեմ Վահագն Հարությունյանն ինչպես է մտածում, բայց ես կարծում եմ, որ պետք է գա ու ներկայացնի այն տեղեկատվությունը, որին տիրապետում է»:
Մանրամասները՝ տեսանյութում:
