12.12.2024 | 16:28
Մեծ Բրիտանիայում նոր հակադրոնային լազեր են փորձարկել
Ժամանակ է պետք լինելու, որպեսզի հասկանանք՝ ինչ է տեղի ունեցել. Անդրանիկ Քոչարյանը՝ Սիրիա ուղարկված զորախմբի մասին. ՏԵՍԱՆՅՈՒԹ
Քաղաքականություն
11.02.2019 | 14:58
Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը լրագրողների հետ զրույցում պատասխանելով Սիրիա ուղարկված մարդասիրական առաքելությամբ զորախմբի մասին հարցին՝ նշեց, որ կառավարությունը պարզաբանել է, թե ինչու է խումբն ուղարկել:
«Հումանիտար առաքելությամբ մասնագետների խումբ է ուղարկվել Սիրիա: Եթե կան խնդիրներ այս հարցի առնչությամբ, ապա այս հանձնաժողովը որևէ առնչություն չունի հարցի ուսումնասիրման համար: Եթե կան շահարկումներ, ապա շահարկումների լավագույն լուծումը դա իրավական լուծումները բացատրելն է: Մեզ ժամանակ է պետք լինելու, որպեսզի հասկանանք, թե ինչ է տեղի ունեցել: Ձեր հարցի հիմնական պատասխանը պետք է տա կառավարությունը, իսկ կառավարությունն իր հաղորդագրությամբ նշել է, թե ինչ հիմքով է այդ որոշումը կայացրել»,- ասաց նա:
Նշենք, որ Սիրիա 83 հոգանոց մասնագետների խումբ ուղարկելու մեջ ընդդիմախոսները օրենքի խախտում են նկատում: ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանն էլ քիչ առաջ տեղեկացրեց, որ մասնագետների խումբն ուղարկվել է 2001 թվականին կնքված համաձայնագրի հիման վրա:
Մանրամասները՝ տեսանյութում:
