11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
Փաստաբանն ահազանգում է. պաշտպանյալը «Վանաձոր» ՔԿՀ-ում ապօրինի արգելանքի տակ է. ՀՔԱՎ
Հասարակություն
11.02.2019 | 14:22
ՀՀ Փաստաբանների պալատի անդամ Գուրգեն Հարությունյանն իր ֆեյսբուքյան էջում ահազանգել է, որ իր պաշտպանյալ Արթուր Մանուչարյանին «Վանաձոր» ՔԿՀ-ում ապօրինի արգելանքի տակ են պահում:
Իր դեմ դեռևս 2013 թ.-ին հարուցված քրեական գործի դատաքննության շրջանակում Արթուր Մանուչարյանը չի ներկայացել դատական նիստերին. քննությունից խուսափելու հիմքով նրա նկատմամբ ընտրված ստորագրություն չհեռանալու մասին խափանման միջոցը դատարանը 2014 թ.-ին փոխարինել է կալանքով և հայտարարել հետախուզում:
«Զվարթնոց» օդանավակայանի գծային ոստիկանության բաժնի աշխատակիցները հետախուզման մեջ գտնվող Արթուր Մանուչարյանին արգելանքի տակ են վերցրել ՀՀ ժամանելուն պես՝ 2019թ. փետրվարի 7-ին՝ ժամը 4:00-ի սահմաններում: Այնտեղից նրան տեղափոխել են ՀՀ ոստիկանության Ալավերդու բաժին, ապա՝ «Վանաձոր» ՔԿՀ:
