02.07.2026 | 21:15
Ընտրակաշառքից մինչև պետական դավաճանության մեղադրանքներ․ քաղհալածյա՞լ են ընդդիմության դեմքերը․ ՏԵՍԱՆՅՈՒԹ
Մենք կուսակցական ռասիզմով չենք առաջնորդվում. Սուրեն Պապիկյան. ՏԵՍԱՆՅՈՒԹ
Քաղաքականություն
11.02.2019 | 13:28
«Ես չեմ սպառնում և չեմ էլ կարող սպառնալ ՀՀ քաղաքացուն։ Մեր նախարարությունը լիազորություն չունի որևէ համայնքապետի պաշտոնազրկել, մարզպետարանը իրավասություն չունի որևէ համայնքապետի պաշտոնազրկել, բայց միևնույն ժամանակ, մենք ունենք հանրային պահանջ։ Մենք ունենք համայանքապետեր, որոնք ընտրվել են տարբեր չարաշահումների արդյունքում և այսօր համայնքների բնակիչների կողմից կա արդարացի պահանջ, որ իրենք չեն ցանկանում աշխատել տվյալ համայնքապետի հետ»,- այս մասին այսօր լրագրողների հետ զրույցում ասաց Տարածքային կառավարման և զարգացման նախարար Սուրեն Պապիկյանը։
Այս հարցը լուծելու համար, նախարարի կարծիքով, պիտի հիմնվի հանրաքվեի ինստիտուտ, որը կվերաբերվի միայն խնդրահարույց համայնքներին։ Լրագրողներից մեկի հարցին, թե որոնք են համարվում խնդրահարույց համայնքեր, քանի որ ներկայումս կան վայրեր, որտեղ համայնքապետը «Իմ քայլը» դաշինքից է և այնտեղ էլ բնակիչները նրա աշխատանքից դժգոհ են, արդյոք հանրաքվեն նաև նրանց կվերաբերվի, նախարարը պատասխանեց․ «Մենք կուսակցական ռասիզմով չենք առաջնորդվում, մեզ համար կարևոր է համայքնի բնակչի խոսքը և ձայնը»։
Մանրամասները՝ տեսանյութում։
Լիլիթ Շաբոյան
