03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Մենք պետք է նպաստենք կանանց և աղջիկների սովորելու հնարավորություններին. Գուտերեշ
Հասարակություն
11.02.2019 | 12:46
2013-ի դեկտեմբերին ՄԱԿ Գլխավոր ասամբլեան ընդունեց «Գիտություն, տեխնիկա և զարգացման նպատակներով նորարարություններ» բանաձևը, որը ցանկացած տարիքի կանանց և աղջիկների համար հավասար պայմաններ և լիրարժեք հասանելիություն է ապահովում գիտության, տեխնիկայի և նորարարությունների նվաճումներին։
Միջազգային օրվա այս տարվա թեման «Կանաչ միջավայրի ներառական աճի մեջ կանանց և աղջիկների ներդրումն» է։
Գիտության, տեխնիկայի, ճարտարագիտության և մաթեմատիկայի ոլորտի հմտությունները նորարարության և ԿԶՆ-ների իրականացմանը հասնելու շարժիչ ուժն են: Կանայք և աղջիկները կենսական նշանակություն ունեն այս բոլոր ոլորտներում: Այդուհանդերձ, նրանց թիվը դրանցում ցավալիորեն անբավարար է:
Այս մասին ասված է ՄԱԿ-ի գլխավոր քարտուղար Անտոնիու Գուտերեշի ուղերձում: «Գենդերային կարծրատիպերը, տեսանելի օրինակների պակասը և չխրախուսող կամ նույնիսկ ճնշող քաղաքականությունները և միջավայրերը կարող են հետ պահել նրանց՝ այս ոլորտներում կարիերա ստեղծելուց:
Աշխարհը չի կարող թույլ տալ իրեն զրկված լինել մեր բնակչության կեսի ներդրումից:
Մենք պետք է միասին աշխատենք, որպեսզի հաղթահարենք այս խոչընդոտները:
Մենք պետք է պայքարենք աղջիկների ունակությունների վերաբերյալ սխալ պատկերացումների դեմ:
Մենք պետք է նպաստենք կանանց և աղջիկների սովորելու հնարավորություններին, հատկապես գյուղական վայրերում:
Եվ մենք պետք է ավելին անենք ու փոխենք աշխատավայրերի մշակույթը, որպեսզի այն աղջիկները, ովքեր երազում են գիտնական, ճարտարագետ կամ մաթեմատիկոս դառնալ, կարողանան գոհացուցիչ կարիերա ստեղծել այս ոլորտներում:
Եկեք համոզվենք, որ ամենուրեք յուրաքանչյուր աղջիկ հնարավորություն ունենա իրականացնելու իր երազանքները, հասնի իր ներուժի իրականացմանը և նպաստի հանուն բոլորի կայուն ապագայի», – ասված է ուղերձում:
