14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ժնևի պետական հաստատություններում մուսուլման կանանց արգելվել է գլխաշոր կրել
Քաղաքականություն
11.02.2019 | 12:42
Շվեյցարիայի Ժնևի կանտոնում (երկրամաս) ընդունված աշխարհիկության օրենքի վերաբերյալ անցկացված հանրաքվեի արդյունքում երկրամասի բոլոր պետական հաստատություններում արգելվել է կրոնական խորհրդանիշների օգտագործումը: Օրենքը արգելում է նաև մուսուլման կանանց կրել գլխաշորեր:
Այս օրենքը Ժնևի խորհրդարանի կողմից ընդունվել էր դեռևս 2018-ի ապրիլին: Սակայն որոշ ընդդիմադիր կուսակցություններ ու մուսուլմանական կազմակերպություններ օրենքի դեմ արշավ էին սկսել, ու օրենքը հանրաքվեի դնելու համար ստորագրահավաք կազմակերպել: Արդյունքում նրանք հանրաքվեի համար պահանջվող 5227 ստորագրության փոխարեն կարողացել էին հավաքել 8000 ստորագրություն: Նախօրեին տեղի ունեցած հանրաքվեի արդյունքում մասնակիցների 55 տոկոսը քվեարկել է օրենքի ընդունման օգտին (դեմ է քվեարկել մասնակիցների 43 տոկոսը):
Ժնևի թուրքական կազմակերպությունները օրենքը համարել են իսլամաֆոբիայի դրսևորում և հայտարարել, որ պատրաստվում են օրենքը չեղարկելու համար դիմել Շվեյցարիայի սահմանադրական դատարան:
Նշենք, որ 500 հազար բնակչություն ունեցող Ժնևի երկրամասի բնակչության 6 տոկոսը մուսուլմաններ են:
