11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
80 հազարով վարորդ եմ փնտրում, չեմ գտնում. Արագածոտնի մարզպետ. ՏԵՍԱՆՅՈՒԹ
Հասարակություն
11.02.2019 | 11:59
Արագածոտնի մարզպետ Դավիթ Գևորգյանի խոսքով՝ մարզպետարանի աշխատակիցներն աշխատանքն ավելի լավ կատարելու համար օրենքով սահմանված կարգով պարգևատրվել են: Մարզպետը լրագրողների հետ ճեպազրույցում հավաստիացրեց, որ պարգևավճարներն աշխատավարձի 1 դրույքը չեն գերազանցել:
«Պարգևավճարները տրվել են ստորին օղակներից մինչև վերին օղակներ: Առաջին հերթին ամենաներքևի օղակներում մարդկանց է տրվել առաջին, հետո վերին օղակներին: Ես չեմ ասում, որ պարգևավճար չլինի, լավ չեն աշխատելու, բայց միջին և ստորին օղակների համար աշխատավարձը պետք է բարձրանա: Ես հենց հիմա վարորդ եմ փնտրում, աշխատավարձը 80 հազար դրամ է: Մարզպետարանի հավաքարարը 55 հազար դրամ է ստանում, իրենք էդ աշխատավարձով կարո՞ղ են մի քանի հարկ մաքրել: Ես այդ մարդկանց պարգևավճար տա՞մ, թե՞ ոչ»,- նշեց Դավիթ Գևորգյանը:
Factor.am-ի հարցին ի պատասխան՝ Արագածոտնի մարզպետն ասաց՝ մարզի հիմնական խնդիրը սոցիալ-տնտեսական վիճակի բարելավումն է. «Շատ շուտով այս մասով հավակնոտ ծրագրեր կունենանք: Չեմ ուզում առաջ ընկնել, բայց այս պահին քննարկվում է ծրագիր, որը ոչ միայն Հայաստանի, այլև տարածաշրջանի համար բացառիկ է լինելու»:
Մանրամասները՝ տեսանյութում:
