07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Տնտեսական հեղափոխությունը պատկերացնում են արտառոց մի բան. Հովիկ Աղազարյանը բացահայտում է, թե դա ինչ է
Տնտեսություն
11.02.2019 | 11:41
Քիչ առաջ ԱԺ տնտեսական հարցերի մշտական հանձնաժողովի նիստում հանձնաժողովի փոխնախագահ ընտրվեց «Իմ քայլը» խմբակցության պատգամավոր Հովիկ Աղազարյանը: Նրա թեկնածությունն առաջադրեց նույն խմբակցության պատգամավոր Հայկ Գևորգյանը։ Հովիկ Աղազարյանը հայտարարեց, որ անկախ քաղաքական հայացքներից, հանձնաժողովի գործունեության շրջանակներում պատրաստ է բոլորին օգնել:
«Տնտեսական հեղափոխությունը շատերը պատկերացնում են արտառոց մի բան։ Իմ պատկերացմամբ, տնտեսական հեղափոխության կոնտեքստում ամենակարևոր դրսևորումներից մեկն այն է, որ մենք կարող ենք ասել՝ այժմ կոռուպցիան գլխատված է», – նշեց Հովիկ Աղազարյանը։
Հովիկ Աղազարյանի կարծիքով՝ Հայաստանի խորհրդարանը պետք է երկպալատանի լինի, որի վերին պալատը կզբաղվի սփյուռքի հարցերով։ Միևնույն ժամանակ պատգամավորը նշեց, որ խորհրդարանը երկպալատանի դարձնելը ապագայի հարց է։
ԱԺ տնտեսական հարցերի հանձնաժողովի նախագահը Բաբկեն Թունյանն է։
Հանձնաժողովն ունի 15 անդամ՝ 10-ը «Իմ քայլը» խմբակցությունից, 3-ը՝ «Բարգավաճ Հայաստան»-ից, իսկ 2-ը՝ «Լուսավոր Հայաստան»-ից։
