19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Փետրվարի 17-ին ՏԻՄ ընտրություններ են 20 համայնքում
10.02.2019 | 20:00
Փետրվարի 17-ին Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Վայոց ձորի, Տավուշի մարզերի 20 համայնքներում տեղի կունենան համայնքի ղեկավարի ընտրություններ։
Այս մասին տեղեկացնում է ԿԸՀ կայքը։
Մարզերի 20 համայնքներից 8-ում արտահերթ ընտրություններ են լինելու։
Նշենք, որ Ուրցաձոր, Մալիշկա եւ Աշոցք համայնքներում բողոքի ցույցերից հետո հարկադրաբար հրաժարական ներկայացրած համայնքապետերը կրկին առաջադրել են իրենց թեկնածությունները։
Ուրցաձոր համայնքում առաջադրվել է 7 թեկնածու, որից 2-ն ինքնաբացարկ է ներկայացրել։
Մալիշկա համայնքում առաջադրվել է 5 թեկնածու, որից 3-ն ինքնաբացարկ է ներկայացրել։
Աշոցք համայնքում առաջադրվել է 7 թեկնածու։։
Փետրվարի 17-ին ՏԻՄ ընտրություններ տեղի կունենան Տեղեր, Օհանավան, Արեւաբույր, Ուրցաձոր, Վարդաշեն, Հայկավան, Հովտամեջ, Նալբանդյան, Նոր Արմավիր, Վարդանաշեն, Ակունք, Վարդենիս, Ձորագետ, Նոր Գեղի, Քաղսի, Աշոցք, Հառիճ, Մալիշկա, Ակնաղբյուր, Ծաղկավան համայնքներում:
