25.08.2026 | 13:08
Ինչո՞ւ մենակ մնացինք թշնամու հետ, այդ հարցը գուցե Ձե՞զ տաք․ Գալստյանը՝ Փաշինյանին․ ՏԵՍԱՆՅՈՒԹ
Տարոն Մարգարյանի կողմից պարգևատրումների կարգադրությունները չհրապարակելու հարցն ԱԱԾ-ում է
08.02.2019 | 18:30
Երևանի նախկին քաղաքային իշխանության կողմից պարգևատրումների կարգադրությունները թաքցնելու մասին քաղաքապետ Հայկ Մարությանի մամուլի խոսնակ Հակոբ Կարապետյանի հայտարարության առնչությամբ մամուլում տեղ գտած հրապարակումները ՀՀ գլխավոր դատախազությունն ուղարկել է Ազգային անվտանգության ծառայություն՝ ստուգման նպատակով: Factor.am-ին հայտնեց Դատախազության հանրային կապերի բաժնի պետ Արևիկ Խաչատրյանը:
Հիշեցնենք՝ մեծ աղմուկ բարձրացրած պարգևատրումների ֆոնին քաղաքապետի մամուլի խոսնակը իր ֆեյսբուքյան էջում գրառում էր կատարել՝ հայտնելով, որ 2017 թվականին չի հրապարակվել շուրջ 287 միլիոն դրամի չափով պարգևատրումներին վերաբերող քաղաքապետի 12 կարգադրություն, ինչն, ըստ Կարապետյանի, «Երևան քաղաքում տեղական ինքնակառավարման մասին» օրենքի խախտում է:
Հրապարակելով իր պնդումները փաստող լուսանկարներ՝ Կարապետյանը գրել էր նաև. «Yerevan.am պաշտոնական կայքում կեղծ տեղեկություններ են հրապարակվել․ պարգևատրումների մասին փաստացի գոյություն ունեցող կարգադրությունների հերթական համարների տակ կայքում հրապարակվել են այլ՝ բոլորովին ուրիշ բովանդակությամբ փաստաթղթեր»:
