28.09.2026 | 17:10
Նեթանյահուն հրահանգել է Էրդողանի դեմ հայց պատրաստել՝ Միջազգային քրեական դատարան ուղարկելու համար
Շոյգուն շնորհակալություն է հայտնել Հայաստանին՝ Սիրիային մարդասիրական օգնության ցուցաբերելու համար
Քաղաքականություն
08.02.2019 | 15:26
ՌԴ պաշտպանության նախարար Սերգեյ Շոյգուն շնորհակալություն է հայտնել Հայաստանին Սիրիային ցուցաբերվող մարդասիրական օգնության համար: ՏԱՍՍ-ի փոխանցմամբ՝ Շոյգուն այս մասին ասել է Մոսկվայում ՀՀ պաշտպանության նախարար Դավիթ Տոնոյանի հետ հանդիպման ժամանակ:
«Կցանկանայի երաշխագիտություն հայտնել Սիրիային մարդասիրական օգնություն ցուցաբերելու համար: Դուք առաջիններից արձագանքեցիք սիրիացի ժողովրդին օգնելու մեր կոչին»,- ասել է Շոյգուն:
Նա նշել է, որ դա առավել կարևոր է սիրիացի երեխաների համար, որոնք վաղուց «նորմալ, խաղաղ կյանք չեն տեսել, 5-7 տարի դպրոց չեն հաճախել»:
Դավիթ Տոնոյանն իր հերթին շնորհակալություն է հայտնել ռուսական կողմին Սիրիային օժանդակելու համար: Նա նշել է, որ Սիրիայում Ռուսաստանի գործունեությունը նպաստում է երկրի հետպատերազմյան վերականգնմանը:
«Ես կարծում եմ, որ մարդասիրական այս գործողությանը մեր մասնակցությունը շատ կարևոր է: Սիրիացի ժողովրդին, որի մաս է կազմում նաև հայկական սփյուռքը, ցուցաբերվող օգնությունը մարդասիրական օգնությունը կարևոր է»,- ասել է պաշտպանության նախարարը:
